No contexto da campaña de mobilizacións que a central nacionalista está a desenvolver com motivo da Greve de 29 de Marzo

A CIG ten convocadas para mañá, quinta-feira 22 de marzo, concentracións simultáneas nas cidades galegas e en varias vilas do País en contra da agresiva reforma laboral aprobada recentemente polo PP e para aglutinar forzas para dar unha contundente e masiva resposta na greve xeral de 29 de Marzo.

Con estas concentracións a central sindical pretende tamén trasladar aos gobernos español e galego o rexeitamento que existe nos centros de traballo a respeito desta brutal e regresiva reforma laboral. Unha reforma laboral que ten a dimensión dun golpe de estado e vén acabar cos poucos direitos laborais que a clase traballadora conquistou nas últimas décadas.

Horarios e lugares das concentracións

- A Coruña: ás 20:00 horas na Praza de María Pita.

- Compostela: ás 19:30 horas na Praza do Obradoiro

- Ferrol: ás 19:30 horas na Praza do Concello

- Lugo: Asemblea informativa ás 20:00 horas, diante da Sede do PP (r/ Poeta Ramón Cabanillas, 10)

- Pontevedra: ás 20:00 horas diante da sede do PP (r/ Rosalía de Castro)

- Vigo: ás 20:00 horas diante do MARCO

- Vilagarcía: ás 20:00 horas diante do Concello

- A Guarda: ás 20.00 horas diante da Casa do Concello

- Arteixo: ás 20:00 horas no Anfiteatro do Paseo Fluvial

- Betanzos: ás 20:00 horas na Praza da Constitución

- Cambre: ás 20:00 horas, diante da Casa do Concello

- Cangas: ás 20:00 horas, diante da Casa do Concello

- Carballo: ás 20:00 horas, diante da Casa do Concello

- Culleredo: ás 19:00 horas no Parque Europa

- O Barco de Valdeorras: ás 19:30 horas diante da Casa do Concello

- O Porriño: ás 20:00 horas diante da Casa do Concello

- Ordes: ás 20:00 horas na Alameda

- Redondela: ás 19:30 horas diante da Casa do Concello

- Verín: ás 19:30 horas diante da Casa do Concello

Mais info: xornal dixital Avantar

Asinado por diferentes organizacións sociais, políticas e sindicais

Organizacións sociais, políticas e sindicais asinan un manifesto en apoio da folga xeral do 29 de marzo e contra a reforma laboral e as políticas que vén impoñendo o PP desde a súa chegada ao goberno. O manifesto é froito do proposto pola CIG na xuntanza celebrada na sede da central sindical o pasado 27 de febreiro, coas aportacións das distintas organizacións asinantes.

Ler o manifesto: xornal dixital Avantar

Mais información na CIG-AEAT ligando para o 981 616 889

A seguir disponibilizamos a convocatoria das axudas de atención á dependencia de Muface que foi publicada no BOE nos pasados días.

• Resolución MUFACE [PDF | 502 KB]

www.folgaxeral.info inclúe novas, análise, opinión, documentos e datos de interese, así como todo o material para descargar

A Confederación Intersindical Galega vén de poñer en marcha unha nova páxina web con toda a información referente á convocatoria de folga xeral do 29 de marzo. Nela, a central nacionalista pon a disposición das persoas interesadas o material necesario para entender a actual ofensiva do capital contra a clase obreira e desmontar os falsos argumentos que están detrás da perda de dereitos laborais e sociais. Tamén está dispoñíbel para descarga todo o material editado polo sindicato con motivo da mobilización.

Mais info: xornal dixital Avantar

Pretende responder aos continuos ataques que están a padecer as traballadoras e traballadores das administracións

CIG-Administración presentou esta mañá a campaña que a partir de mañá se desenvolverá en todas as comarcas do país, pola dignidade do empregado/a público/a e en defensa dos servizos públicos. A campaña desenvolverase de forma transversal en todas as accións sindicais que, ao longo dos vindeiros meses defendan o sector público e rexeiten os recortes.

Mais info: xornal dixital Avantar

No día que se cumpren 40 anos do asasinato de Amador Rei e Daniel Niebla, a loita de clases amósase máis viva ca nunca logo das últimas e regresivas reformas aprobadas polos distintos gobernos. Reformas e medidas destinadas a despoxar á clase traballadora dos dereitos laborais e sociais acadados nas últimas décadas, deixándoa indefensa ante unha ofensiva do capital que nos obriga a dar unha resposta contundente e reaxir na defensa dos nosos intereses, tal e como neste 10 de Marzo xa fixeron as máis de 20.000 persoas que participaron nas manifestacións convocadas pola CIG e como haberá que demostrar na folga xeral do 29 de marzo.

Mais info: xornal dixital Avantar

Convoca manifestacións en todas as cidades, ademais de Vilagarcía e Ribeira

Con motivo do Día da Clase Obreira Galega a CIG convoca manifestacións, o sábado 10 de marzo, en todas as cidades, ademais de en Vilagarcía e Ribeira, contra a reforma laboral que vén de aprobar o PP. Unha reforma que supón a demolición dos dereitos do traballo e saquea á clase traballadora, para contentar aos grandes empresarios, á banca e aos máis ricos. Ante isto, a CIG chama aos galegos e galegas a mobilizarse para responder, con toda a forza necesaria, e impedir a consumación desta agresión brutal contra a clase traballadora.

Manifestacións

O secretario xeral da CIG, Suso Seixo, participará na oferta floral e na manifestación de Ferrol.

- Ferrol: Ás 11:00 horas ofrenda floral na escultura a Amador e Daniel. Ás 12:00 horas sairá a manifestación do lado da sede do sindicato, na Avda de Esteiro.

- Vigo: Ás 20:00 h, desde a Vía Norte

- Coruña: Ás 12:00 horas na Praza de Vigo

- Pontevedra: Ás 19:00 horas, na Praza da Ferrería

- Compostela: Ás 12:30 horas, na Praza Roxa

- Lugo: Ás 12:00 horas, do lado do local da CIG, na Ronda da Muralla

- Ourense: Ás 12:00 horas, do Pavillón dos Remedios

- Vilagarcía: Ás 20:00 horas, na Casa do Mar

- Ribeira: Ás 20:00 horas, na Praza do Concello

Mais info: xornal dixital Avantar

Tamén rexistraron a convocatoria a CUT, a CGT e a CNT e os catro sindicatos chamaron a CCOO e UGT a sumarse, para dar unha resposta conxunta e frear a reforma laboral

A CIG facía entrega formal, esta mañá, no rexistro da Consellaría de Traballo, da convocatoria de folga xeral, xunto coa CUT, a CGT e a CNT. Segundo explicou Suso Seixo “pretendemos así dar a imaxe de que aquí si existe unidade sindical. Outra cousa é que CCOO e UGT sigan na ambigüidade”. O secretario xeral da CIG fixo un chamamento a estas centrais sindicais para que se sumen, mantendo aberta a posibilidade de mudar a data, se iso vai favorecer unha máis ampla resposta á reforma laboral, que supón, dixo, “o maior ataque que se fixo á clase traballadora desde a transición”.

Mais info: xornal dixital Avantar

As reformas (laboral e das pensións) terán efectos especialmente negativos sobre a muller galega, que parte dunha situación máis precaria

A secretaria confederal de Muller e Mocidade, Margarida Corral, compareceu esta mañá en rolda de prensa para presentar a campaña da CIG arredor do 8 de marzo, Día Internacional da Muller Traballadora, que desta volta se conmemora baixo o lema “As mulleres coa folga xeral. Xuntas podemos!”, e informar dos actos que con este motivo convoca ou nos que participa a central sindical. Xunto a ela interveu a responsábel do Gabinete Técnico de Economía, Natividade López, quen presentou as conclusións do traballo “A muller no mercado laboral en Galiza”, realizado a partir da análise dos datos oficiais do ano 2011.

• A muller no mercado laboral na Galiza (2011) [PDF | 165 KB]

Mais info: xornal dixital Avantar

A CIG mobilízase nas distintas comarcas para esixir a retirada da reforma e concienciar da necesidade de participar na Folga Xeral do 29 de marzo

A CIG realizou este xoves asembleas de delegados/as e mobilizacións nas distintas comarcas para esixirlle ao Goberno de Rajoy que retire a lesiva reforma laboral que vén de aprobar. Unha reforma que, en palabras do secretario xeral, Suso Seixo, “constitúe o maior ataque infrinxido á clase obreira dende a transición”. A CIG lembra que só cunha contestación social contundente se poderán frear as políticas de precarización e empobrecemento xeneralizado da maioría social, polo que reitera a necesidade de participar na Folga Xeral do 29 de marzo.

• Avaliación Reforma Laboral [PDF | 507 KB]
• Díptico Greve Xeral [PDF | 605 KB]

Mais info: xornal dixital Avantar

A central convoca para mañá, xoves 1 de marzo, asembleas e protestas nas comarcas contra a reforma laboral e as políticas de recortes do PP

Dentro da campaña de cara á convocatoria de folga xeral do vindeiro 29 de marzo, a CIG ten programado un intenso calendario de actos e mobilizacións que continuarán mañá, xoves 1 de marzo, coa celebración de asembleas de delegados/as e protestas nas distintas comarcas do País, en rexeitamento á regresiva reforma laboral e ás políticas de recortes aplicadas polo PP.

Horarios e lugares das mobilizacións

- A Coruña: asemblea de delegados/as ás 10:00 horas no salón de actos do edificio Sindical. Concentración ás 12:15 horas diante do INEM de Monelos (Praza de Rafael Dieste). Nesta protesta participará o Secretario Xeral da CIG, Xesús Seixo.

- Ferrol: Asemblea de delegados/as ás 10:30 horas no local sindical. Manifestación ás 12:00 horas con saída dende a Avenida do Esteiro até a Praza do Concello.

- Lugo: Asemblea de delegados/as ás 10:00 horas no local sindical. Concentración ás 12:00 horas diante da Subdelegación do Goberno (Praza de Armanyá).

- Compostela: Asemblea de delegados/as ás 10:00. Saída ás 12:00 horas cara a Confederación de Empresarios, na rúa do Vilar, onde se celebrará unha concentración.

- Ourense: Asemblea de delegados/as ás 10:00 horas no Salón de Actos da Casa Sindical. Concentración ás 11:30 horas diante da oficina de Novagalicia Banco da Rúa do Paseo.

- Vigo: Asemblea aberta no Mercado do Calvario, ás 12:00 horas.

- Burela: Asemblea de delegados e delegadas, no local sindical.

Mais info: xornal dixital Avantar

No documento faise un repaso crítico sobre os aspectos máis negativos da nova normativa que promove o PP

O Gabinete Técnico de Economía da CIG vén de facer público un documento no que se analizan os principais contidos da nova reforma laboral promovida polo PP e que endurece notablemente todas as medidas esenciais das normativas anteriores co único obxectivo de protexer os empresarios. O seu núcleo duro afecta á contratación, á flexibilidade interna, á negociación colectiva e ao despedimento.

• Análise da Reforma Laboral [PDF | 507 KB]
• Folleto explicativo sobre a Reforma Laboral [PDF | 605 KB]

Convocan CIG, UGT, CCOO, CSI-F, FEP-USO, SATSE, SAE, CGT e STAJ

O persoal do sector público vén manifestando o seu máis rotundo rexeitamento aos recortes que o PP pretende impor a través da Lei de Medidas no Emprego Público. Os empregados e empregadas deste sector entenden que estas medidas supoñen un grave retroceso nos seus dereitos laborais e sociais, cuestionan a súa imaxe e a súa dignidade, desvalorizan á propia administración pública e provocarán unha mingua na calidade dos servizos.

Por iso convocaron, para este xoves, concentracións e manifestacións en todas as cidades, ás 19:00 horas, ás que chaman a participar a todas as galegas e galegos en defensa do Sector Público.

- Ferrol: Ás 19:00 horas, na Praza de España

- Pontevedra: Ás 19:00 horas, na Praza da Peregrina

- A Coruña: Ás 19:00 horas, na Praza de Ourense

- Compostela: Ás 19:00 horas, na Praza do Toural

- Lugo: Ás 19:00 horas, A Muralla, Edificio Administrativo

- Ourense: Ás 19:00 horas, no Pavillón dos Remedios

- Vigo: Ás 19:00 horas, no MARCO

O secretariado confederal acordou esta mañá fixar xa a data da convocatoria

O Secretariado Confederal da CIG, reunido esta sexta, día 17 de febereiro, acordou marcar a data da convocatoria de greve xeral para o día 29 de marzo. Así o comunicou o secretario-xeral, Suso Seixo, que explicou que para tomar esta decisión tívose en conta que durante o mes de marzo entrarán a debate, no Congreso, a reforma laboral e os Orzamentos Xerais do Estado e que para esa mesma data, tamén convocou greve xeral a maioría sindical basca.

Mais info: xornal dixital Avantar

A central sindical convida a participar a todas as persoas interesadas en coñeceren o alcance e as consecuencias que terá para a clase traballadora

A CIG convoca para esta quinta, día 16 de febereiro, asembleas abertas nas distintas cidades galegas. A central sindical quere abrir así un debate social, para que se coñeza o alcance e as gravísimas consecuencias que terá a reforma laboral que vén de aprobar o PP, tanto para as condicións laborais e salariais da maioría da poboación, como no que supón de perda de dereitos.

Nestas asembleas abordarase tamén a necesidade da convocatoria de folga xeral, que a CIG ten prevista para finais do mes de marzo, como única forma de frear, tanto esta reforma, como todas as medidas que xa se foron aprobando e as que se prevé que se impoñan a través dos orzamentos xerais do estado.
Cartaz Asembleas Abertas 16/02/12

Horarios e lugares das asembleas:

- A Coruña: Ás 19:30 horas na Praza de Pontevedra.

- Ferrol: Ás 20:00 horas na Praza do Himno Galego.

- Compostela: Ás 20:15 horas, na Praza do Toural.

- Lugo: Ás 18:30 horas na Praza Maior.

- Ourense: Ás 19:00 horas, diante da confederación de Empresarios, na Praza das Damas (a carón da Praza Maior).

- Vigo: Ás 19:00 horas diante do MARCO.

Na cidade de Pontevedra xa se celebrou esta mañá unha asemblea de delegados/as e unha concentración diante da Delegación do Goberno.