A Sección Sindical reclama incrementar os controis contra a fraude e advirte que a amnistía é contraria aos principios de progresividade e proporcionalidade

A Sección Sindical da CIG na AEAT considera que as medidas que está a tomar o Goberno español para efectuar o que denominan “regularización fiscal”, “non son máis que a constatación do fracaso dun modelo de xestión dos tributos que leva anos obsoleto”. Así mesmo advirten que a Lei de amnistía fiscal vulnera os principios de progresividade e proporcionalidade que debe perseguir o sistema tributario, mentres que, pola contra, se “premia” aos/ás defraudadores permitíndolle pagar impostos moi inferiores aos que lles correspondería polo nivel de ingresos.

Full story »

Responsabilízanos de non actuar para impedir a grave situación de crise económica e por ter provocado nefastas consecuencias para a poboación

Os secretarios xerais da CIG, Suso Seixo e de ELA, Adolfo Muñoz, “Txiqui”, presentaron esta mañá unha denuncia, perante a Sala do Penal do Tribunal Supremo, contra os ex presidentes do Goberno José María Aznar, José Luís Rodríguez Zapatero e Mariano Rajoy; os ex ministros de Economía Rodrigo Rato, Pedro Solbes e Elena Salgado; os ex gobernadores do Banco de España Jaime Caruana e Miguel Ángel Fernández Ordóñez e os administradores e xestores das caixas de aforro e entidades financeiras pola súa responsabilidade na crise, pola súa xestión e polas graves consecuencias que tiveron as medidas adoptadas para o conxunto da poboación.

Mais info: xornal dixital Avantar

Mais información na CIG-AEAT ligando para o 981 616 889

A seguir disponibilizamos nota informativa sobre a proposta de cortes defendidos polo goberno español perante a UE no seu “Programa de reformas del reino de España 2012”; e no cual é prevista a eliminación da percepción do 100% das retribucións no caso de que algún empregado público estea en situación de Incapacidade Temporal.

En principio e exceto novo aviso, isto só afecta os funcionarios incluídos no réxime da Seguranza Social.

• Nota informativa [PDF | 970 KB]

Vigo, Coruña, Santiago, Ferrol, Pontevedra, Ourense e Lugo acollerán mobilizacións para rexeitar os ataques do Goberno español do PP aos direitos da maioría social

A Confederación Intersindical Galega convoca concentracións nas sete cidades galegas esta cuarta feira, 23 de maio, para rexeitar a reforma laboral que o Goberno español do Partido Popular ten previsto aprobar no Congreso dos Deputados ao día seguinte. A central nacionalista chama a clase traballadora galega a responder na rúa os ataques contra os dereitos da maioría social.

Lugares e horarios das concentracións:

- Vigo: na Porta do Sol ás 20.00 horas.

- Coruña: diante da Subdelegación do Goberno español ás 19.00 horas.

- Pontevedra: diante da Subdelegación do Goberno español ás 19.30 horas

- Ferrol: na Praza do Himno Galego ás 19.30 horas.

- Santiago: na Praza do Toural ás 20.00 horas.

- Lugo: diante da Subdelegación do Goberno español ás 20.00 horas.

- Ourense: diante do local da CEO (Praza das Damas) ás 20.00 horas.

Mais información na CIG-AEAT ligando para o 981 616 889

A seguir disponibilizamos convocatoria de axudas de Muface para a adquisición de vivenda durante o ano 2012.

• Resolución BOE [PDF | 178 KB]

Considera que o proxecto presentado polo PP non aposta nin por dinamizar a actividade económica, nin por fomentar o emprego

Inmersos nunha situación de crise, da cal non se perciben signos de recuperación, topamos cuns Orzamentos Xerais do Estado (OXE-2012) novamente restritivos, que van contribuír a afondar aínda máis na dita crise, e que dificultan, a longo prazo, o futuro económico deste país.

Non apostan polo investimento de capital (que se reduce en máis dun 26%) como motor da economía, imprescindíbel cando a iniciativa privada está contraéndose, día a día, debido á falla de fondos e á incerteza. De feito, prevén que a actividade económica descenda un 1,7% ao longo deste ano, tal e como se recolle na análise realizada pola responsábel do departamento de Economía da CIG, Natividade López Gromaz.

Mais info: xornal dixital Avantar

Mais información no xornal dixital Avantar

A seguir disponibilizamos nota informativa sobre as manifestacións da CIG do 1º de maio.

• Nota informativa [PDF | 65 KB]

Fai un chamamento ás organizacións sindicais a facer a convocatoria de forma conxunta e alerta que, “ou continuamos con esta resposta social ou non temos saída ningunha”

Á Executiva Confederal da CIG acordou, na súa reunión da pasada sexta feira, promover unha nova convocatoria de greve xeral para a primeira quincena de xuño.

Así o anunciou o secretario xeral, Suso Seixo, esta mañá en conferencia de imprensa, considerando que estamos nun momento “determinante” por mor das “inxustas políticas” que está impondo o Partido Popular, con cortes en Educación, cortes en Ensino e a imposición dunha reforma laboral que lonxe de promover a criación de emprego, busca precarizar as condicións laborais e que, portanto, debe ser retirada.

Mais info: xornal dixital Avantar

A CIG convoca mobilizacións por todo o país coincidindo co Día Internacional da Clase Traballadora

Afrontamos este 1º de Maio sumidos/as nunha profunda crise económica que afecta de forma moi directa á clase traballadora a través da perda de miles de empregos, redución de salarios, precarización das condicións de traballo, perda de dereitos, etc.

As políticas económicas, sociais e laborais que está a promover o PP a través dos Gobernos español e galego, seguindo as directrices de institucións como o FMI, o BCE ou a Comunidade Europea, responden ao seu modelo ideolóxico de economía neoliberal e de defensa dos intereses da banca, dos especuladores e da oligarquía financeira.

Contra isto, a CIG chama á clase traballadora galega a participar nas mobilizacións convocadas en todo o país para reclamar emprego digno e rexeitar as medidas antiobreiras que se nos están a impoñer.

• Brochura Primeiro de Maio [PDF]
• Cartaz Primeiro de Maio [PDF]

Mais: xornal dixital Avantar

No BOE do pasado día 3 de abril tendes a convocatoria para participar nos seguintes cursos do Instituto Nacional de Admón. Pública:

• Formación continua para a realización de funcións de xestión, apoio administrativo e auxiliares [PDF | 273 KB]
• Cursos de idiomas (inglés e francés) [PDF | 147 KB]
• Accións formativas en materia de administración electrónica [PDF | 259 KB]
• Curso xestión de tecnoloxías da información [PDF | 186 KB]
• Cursos dirixidos a persoal directivo [PDF | 241 KB]

Coincidindo co día no que se referendará no Congreso dos Deputados a reforma laboral, a CIG convoca concentracións en todas as cidades galegas para exixir a súa retirada.

A central sindical denuncia que se trata dunha reforma pensada para facilitar o despedimento e favorecer a competitividade, pola vía de reducir salarios e rebaixar as condicións laborais substituíndo emprego fixo por precario e considera que só coa mobilización se poden frear as políticas de recortes de dereitos laborais e sociais que está a impor o Partido Popular.

A CIG demanda do goberno do PP a retirada da reforma laboral, logo do rotundo rexeitamento manifestado polos traballadores e traballadoras que participaron, de forma masiva, na convocatoria de folga xeral e nas multitudinarias mobilizacións convocadas o pasado 29 de marzo.

Por iso convoca, para este xoves, día 12 de abril, concentracións en todas as cidades que terán lugar en:

- Compostela: Praza de Galiza, 20.00 horas.

- A Coruña: Delegación do Goberno, 20.00 horas.

- Vigo: Farola de Príncipe, 20.00 horas.

- Ourense: Subdelegación do Goberno, 20.00 horas.

- Pontevedra: Subdelegación do Goberno, 20.00 horas.

- Lugo: Subdelegación do Goberno, 20.00 horas.

- Ferrol: Praza do Concello, 19.30 horas.

Mais información na CIG-AEAT ligando para o 981 616 889

O mercores 28 de marzo, convocouse a Mesa Xeral das Aministracións Públicas prevista no Artigo 36.1 do EBEP; informaron (que non negociaron) acerca das previsións contidas no proxecto de orzamentos do Estado que o Goberno ten previsto aprobar o 30 de marzo, que se concretaban en Retribucións, Oferta de Emprego Público, Xornada e Horarios.

Full story »

A seguir informamos da publicación no BOE da convocatoria das axudas de Muface para a atención a determinados colectivos:

- Podoloxía e termalismo social a maiores
- Atención a enfermos psiquiátricos crónicos
- Atención a persoas drogodependentes
- Estancias temporais en centros
- Axudas a enfermos celíacos
- Axudas a enfermos oncolóxicos

• Resolución BOE [PDF | 268 KB]

Mais info: Web Greve Xeral

A seguir disponibilizamos información sobre a greve xeral do vindeiro 29 de marzo. Na convocatoria tendes ben explicadas as condicións para que o persoal suxeito a horarios de traballo por turnos (como Vixilancia Aduaneira) poda facer uso do seu direito á greve.

• Porque vamos á greve? [PDF | 877 KB]
• Convocatoria [PDF | 225 KB]

No dia 10 de abril terá lugar mais unha reunión para avaliar se a resposta continua a ser conxunta ou de carácter individual

As organizacións sindicais con representación no sector público, que veñen mantendo unha unidade de acción nas mobilizacións e na resposta á Lei de Medidas para o Emprego Público, volverán a reunirse o vindeiro día 10 de abril, depois da Semana Santa, para avaliar o impacto que, sobre o sector, puder ter a Lei de Orzamentos Xerais do Estado. Está previsto que nesa data decidan se a resposta a dar continua a ser conxunta ou individual, de cada organización sindical.

Mais info: xornal dixital Avantar