Mais información na CIG-AEAT ligando para o 981 616 889

A seguir disponibilizamos nota informativa coas diversas aclaracións sobre a aplicación do Real Decreto 20/2012 (licenzas por incapacidade temporaria, pagamento extra, etc), ben como as instrucións da Secretaría de Estado acerca das modificacións das retribucións nas situacións de incapacidade temporaria para o persoal no ámbito das Administracións Públicas.

Lembrai que para os casos de ausencia do traballo por doenza inferior a 3 días, sen baixa laboral, seguen as mesmas condicións que até agora (non hai minoración de retribucións).

• Nota informativa [PDF | 75 KB]
• Resolución Secretaria de Estado [PDF | 2.7 MB]
• Nota informativa AEAT [PDF | 159 KB]

Convocadas pola Plataforma Galega en defensa dos Servizos Públicos

A Plataforma Galega en Defensa dos Servizos Públicos, da que forma parte a Área Pública da CIG (CIG-Ensino, CIG-Administración e CIG-Saúde) fixo esta mañá, en rolda de prensa, un chamamento a participar nas manifestacións convocadas en todas as comarcas para manifestar o rexeitamento ás políticas antisociais e regresivas que vén aplicando o PP, tanto para os servizos públicos, en xeral, como para a destrución de emprego público en particular.

Medidas que constitúen un ataque sen precedentes aos dereitos individuais e colectivos das galegas e galegos, pero tamén das empregadas e empregados das distintas administracións públicas.

As horas e lugares de saída das manifestacións previstas son:

A Coruña : Praza de Pontevedra- 19:00 h

Compostela: Alameda- 19:00 h

Ferrol : Praza de España – 19:00 h

Lugo: Edificio Admtvo Xunta- 19:00 h

Ourense: Pavillón dos Remedios- 19:00 h

Pontevedra: Praza da Ferrería -20:00 h

Vigo: Vía Norte- 20:00 h

Nova xornada de protestas

Os traballadores e traballadoras da administración pública continuaron este xoves co calendario de mobilizacións en contra dos recortes laborais, salariais e sociais impostos polos Gobernos do PP e na defensa duns servizos públicos de calidade. O persoal protagonizou protestas diante dos distintos centros de traballo (edificios administrativos, centros hospitalarios, delegacións, oficinas da Seguridade Social, xulgados, etc.) espallados por toda Galiza.

Mais info: xornal dixital Avantar

Mais información na CIG-AEAT ligando para o 981 616 889

A seguir disponibilizamos nota dos servizos xurídicos da CIG en relación ás reclamacións individuais sobre a supresión do pagamento extra de decembro.

• Nota servizos jurídicos da CIG [PDF | 106 KB]

Suso Seixo fixo un chamamento para desaloxar a Núñez Feijóo da Xunta o vindeiro 21 de outubro e apostou pola convocatoria dunha nova folga xeral

Arredor de 50.000 persoas participaron nas manifestacións convocadas pola Confederación Intersindical Galega nas sete cidades galegas, Vilagarcía e Foz, para amosar o se rexeitamento ás políticas de recortes e axustes que están a aplicar os Gobernos do Partido Popular na Xunta e no Estado.

O secretario xeral da central nacionalista, que participou na mobilización de Vigo, fixo un chamamento a desaloxar o PP do Goberno galego o vindeiro 21 de outubro e apostou pola convocatoria dunha nova folga xeral.

Mais info: xornal dixital Avantar

Máis de 1.200 delegados/as participan nunha asemblea e posterior manifestación polas rúas de Santiago

A Confederación Intersindical Galega concretou un novo calendario de mobilizacións para rexeitar a política de cortes que está a aplicar o PP na Galiza e no Estado español e para acumular forzas rumo a unha nova greve xeral.

A central nacionalista realizou no pasado dia 11 unha asemblea nacional en Santiago de Compostela en que participaron máis de 1.200 delegados/as e que serviu para analisar o actual contexto da crise económica. Ao findar o acto, no que tamén foi debatida a resposta que debe de dar ao sindicato aos ataques do capital, marchouse en manifestación até San Caetano.

Mais info: xornal dixital Avantar

Para avaliar as últimas medidas adoptadas polos gobernos do PP e debater e decidir sobre as necesarias respostas da central nacionalista

A Confederación Intersindical Galega ten convocada para este martes, 11 de setembro, unha manifestación de delegados e delegadas en contra das políticas de recortes e as medidas antisociais aplicadas polos gobernos español e galego. A convocatoria realízase coincidindo coa asemblea nacional da delegados/as da CIG que terá lugar previamente (ás 10:00 horas) no Pazo de Congresos de Santiago de Compostela.

Mais info: xornal dixital Avantar

As organizacións sindicais tamén teñen convocadas mobilizacións diante dos edificios da administración mañá, quinta feira 6 de setembro

Representantes da Plataforma Galega en Defensa dos Servizos Públicos (integrada polas organizacións CIG - CCOO - UGT - CSI-F - CESM - OMEGA - SATSE -USASE - ANPE - STAJ - CEP - SUP - UFP - AUGC - UniónGC - CGT - USO - USTG - SIAT e ACAIP) compareceron esta cuarta feira en conferencia de imprensa para anunciar o novo calendario de mobilizacións previsto para o mes de setembro en contra dos cortes impostos polos gobernos do PP.

Amañá quinta feira, arrancará unha nova xeira de protestos diante dos edificios administrativos de todo o País, encuanto que no sábado 8 de setembro está convocada unha gran manifestación en Compostela.

Mais info: xornal dixital Avantar

Contra o saque ao pobo para pagar o resgate da banca

As organizacións sindicais convocan para mañá sexta, día 31 de agosto, novas concentracións nas distintas comarcas, para denunciar que coas medidas que vén aprobando o PP desde que chegou ao goberno estase a producir un auténtico saque á clase traballadora para pagar o rescate á banca.

A CIG chama a participar nas mobilizacións previstas nas cidades galegas contra esas políticas dirixidas a protexer e beneficiar os intereses de banqueiros, especuladores e defraudadores.

Concentracións confirmadas

Mais info: xornal dixital Avantar

A próxima mobilización está convocada para sexta feira, 24 de agosto, coincidindo co Consello de Ministros

As organizacións sindicais voltaron a concentrarse esta sexta nas distintas comarcas do País para manifestar o seu rexeitamento ao último pacote de medidas imposto polo Executivo de Mariano Rajoy, que son a primeira consecuencia do multimilionario resgate á banca.

As organizacións sindicais teñen acordadas novas mobilizacións, a primeira delas coa convocatoria de concentracións en todas as comarcas para a próxima sexta-feira, día 24 de agosto, coincidindo coa reunión do Consello de Ministros español.

Mais info: xornal dixital Avantar

Inclúese no decreto lei que prepara o goberno para adaptar á reforma laboral o despedimento colectivo, de suspensión de contratos e redución de xornada

O PP ten preparado xa o borrador do “Proxecto de Real decreto polo que se aproba o regulamento dos procedementos de despedimento colectivo e de suspensión de contratos e redución de xornada”. Un texto co que se pretenden incorporar as modificacións aprobadas na reforma laboral ao Estatuto dos Traballadores/as e que afecta a todos os sectores, incluídas as administracións públicas.

Full story »

Chamamento a toda a cidadanía. Hora e lugares

Das organizacións sindicais foi realizado un chamamento a toda a cidadanía para participar macizamente nas mobilizacións convocadas para a tarde da próxima segunda feira, 30 de xullo, nas sete cidades galegas.

Da Área Pública da CIG (Administración, Ensino e Saúde) advírtese que as medidas recollidas no Real Decreto Lei 20/2012 favorecen a destrución de emprego e dos servizos públicos e están feitas exclusivamente para resgatar a banca, verdadeira causante desta crise.

Horarios e lugares das manifestacións do día 30 de xullo

Frente a todas estas medidas, as organizacións sindicais CIG, CCOO, UGT, CSI•F, CESM, OMEGA, SATSE, USAE, ANPE, STAJ, CEP, SUP, UFP, AUGC, UniónGC, CGT e USO fixeron unha chamada a participar nas manifestacións convocadas para segunda fera, 30 de xullo:

- Coruña, saída ás 19:30 horas dende a Praza de Pontevedra.

- Ferrol, saída ás 20:30h dende a Praza de España.

- Santiago de Compostela, saída ás 19:30 horas da Praza Roxa.

- Lugo, saída ás 19:30 horas dende o Edificio administrativo da Xunta.

- Ourense, saída ás 19:30 horas dende o Pavillón dos Remedios.

- Pontevedra, saída ás 20:30 horas dende a Praza da Ferreiría.

- Vigo, saída ás 20:30 horas dende a Vía Norte.

A noticia completa aquí.

A CIG anima a intensificar a resposta social diante da dureza das medidas aprobadas e aposta por convocar canto antes unha nova folga xeral

Baixo a consigna “Non ao saqueo do pobo. Hai que impedir que nos arruínen” e ao berro de “folga xeral”, máis de 350.000 persoas saíron na tarde deste xoves ás rúas de todo o País para rexeitar as gravísimas medidas que vén de aprobar o Goberno de Mariano Rajoy, co obxectivo de profundar no recorte dereitos e a precarización das condicións de vida e de traballo da maioría social, mentres se protexen e benefician os intereses de banqueiros, especuladores e defraudadores.

A CIG anima a dar unha resposta social con igual dureza que as políticas do PP e aposta por preparar xa un calendario de folgas xerais, cuxa primeira data de referencia podería ser o vindeiro mes de setembro.

Mais info: xornal dixital Avantar

A Área Pública da CIG reitera que as medidas aprobadas polo PP afondarán no deterioro dos servizos básicos e na destrución de emprego

Miles de traballadores e traballadoras ao servizo das administracións continuaron este xoves o calendario de mobilizacións contra as políticas de redución salarial e do desmantelamento do sector público. As concentracións, que se repetiron en múltiples centros de traballo ao longo de todo o País, coincidiron coa celebración do pleno do Congreso dos deputados nos que o PP, grazas a súa maioría, ratificou o brutal recorte de 65.000 millóns de euros.

Mais info: xornal dixital Avantar

Un grupo de delegados/as e militantes da central nacionalista permaneceu arredor dunha hora e media encadeado diante do edificio

A CIG de Valdeorras levou a cabo este mércores unha nova protesta contra os últimos recortes anunciados polo Goberno español do Partido Popular. Un grupo de delegados/as e militantes da central nacionalista bloquearon o acceso á oficina de Facenda do Barco durante hora e media tras encadearse á varanda da porta principal.

Mais info: xornal dixital Avantar

As organizacións sindicais con representación na mesa rexistran unha solicitude de cambio de data da convocatoria

Ante a convocatoria da Mesa Xeral da Función Pública para mañá xoves, día 19 de xullo, ás 18:30 horas, co único punto Lei /2012 de adaptación das disposicións básicas do RDL 20/2012, do 13 de xullo, de medidas para garantir a estabilidade orzamentaria e de fomento da competitividade en materia do emprego público, as organizacións sindicais con representación na mesma (CIG, CCOO, UGT e CSI-F) veñen de entregar un escrito conxunto no rexistro solicitando o seu aprazamento. Consideran que é inaceptábel que se faga esa convocatoria coincidindo practicamente coa das manifestacións, das que a administración tiña xa coñecemento, en todas as cidades e algunhas vilas de Galiza.

Mobilizacións:

DIA 19 de XULLO

Concentracións:

Entre as 11:00 e 12:00 horas concentracións ante os centros de traballo, edificios administrativos, hospitais, delegacións ministeriais e de xustiza...

Manifestacións:

A Coruña: Ás 20:00 h da Praza da Palloza. Manifestación central.

Burela: Ás 20:00 h da Praza da Mariña

Ferrol: Ás 20:30 h do Inferniño

Lugo: Ás 20:00 h da Ronda da Muralla, do edificio sindical

Pontevedra: Ás 20:30 h da Praza da Ferrería

Santiago: Ás 20:00 h da Alameda

Ourense: Ás 20:00 h do Pavillón dos Remedios

Vigo: Ás 20:30 h da Vía Norte

Vilagarcía: Ás 21:00 h da Casa do Mar

DÍA 26 DE XULLO

Entre as 11:00 e 12:00 horas concentracións ante os centros de traballo, edificios administrativos, hospitais, delegacións ministeriais e de xustiza...

DÍA 30 DE XULLO

Manifestacións comarcais previstas inicialmente para as 19:30 horas.

Mais info: xornal dixital Avantar