Onte asinouse o acordo do PEIA para o 2018. Con máis da metade do documento previamente consensuado e acordado entre a AEAT e as organizacións sindicais CCOO, UGT, CSIF e SIAT, e co precedente dos "Plans Anuais" dos anos anteriores era visto que o acordo estaba ao caer. Así, salvo a modificación dos pagos mensuais de produtividade que están vinculados a facer as horas do PEIA, o resto do documento é un calco do acordo do ano pasado. Desde a CIG seguiremos loitando para que o noso salario non dependa nin dos xefes, nin de facer un maior horario. A posta en marcha das reclasificacións que nos deben e a reactivación do Acordo de Carreira Administrativa ten que ser unha realidade. Achegamos un resume coas cuestións máis salientable do acordo.

Resume_acordo_PEIA_2018.pdf

A CIG non asina o PEIA porque supón un paso atrás para o persoal e volver á dinámica da produtividade: depender dos xefes, non poder explicar porque tí cobras menos que o teu compañeiro facendo o mesmo traballo, e seguir coa arbitrariedade de sempre. E por suposto, supoñendo que estés ben de saúde que noutro caso, non vas ver os cartos diante…

Por iso pensamos que como sindicato non podemos defendelo, non cremos que sexa difícil de entender. E moito menos entendemos que se poidan recoller sinaturas para, supostamente, reactivar o acordo de Carreira Administrativa, e logo, por arte de birlibirloque, éstas se utilicen para ter máis PEIA, e dar o aval para que, se antes o PEIA supuña o 5% do noso salario, agora xa esté máis cerca do 20%.

Argumentos_non_descalificacions.pdf

Dende a CIG non entendemos porqué este ano se asinou un acordo idéntico ao que ofrecía a AEAT o ano pasado cando no 2015 todos estabamos de acordo en que non se podía ceder ante unha proposta semellante. ¿Porqué o ano pasado a proposta do PEIA non valía e este sí?. O escandaloso é que, por moito que digan algúns, coa sinatura do acordo dáselle conformidade a todo contra o que vimos loitando desde o principio dos tempos na AEAT: a arbitrariedade no reparto da produtividade.

peia_laborais.pdf

Desde a CIG consideramos inasumible poder chegar a un acordo polo seguinte: - Non podemos defender ter que facer horas extras para cobrar a produtividade ordinaria. Entendemos que dándolle continuidade ao Plan estamos a crear unha dinamica moi perigosa que nos levará a consolidar un maior horario no futuro. - Seguen sen querer introducir ningunha cláusula que recolla a necesidade da proporcionalidade retributiva entre os distintos subgrupos. Se o ano pasado tivemos un só un pago variable e pasou o que pasou, imaxinade o que pode suceder habendo dous pagos. A intención é marcar, áinda mais, as diferencias entre os A1 e o resto do persoal da casa.

Plan_Especial_AEAT.pdf

RESUMEProposta_AEAT_PIA.pdf

As principais novidades do plan consisten no seguinte: · Os obxectivos a cumplir están referenciados aos indicadores 3 e 4.1 do Plan de Obxectivos da Axencia. Isto é, serían os obxectivos de recadación por fraude tributario e aduaneiro (indicador 3) e obxectivos de ingresos procedentes de autoliquidacións extemporáneas inducidas (indicador 4.1). · Este ano haberá que traballar 20 horas en lugar das 12 que pedían o ano pasado. - Para cobrar o primeiro pago a conta habería que facer 6 horas “extras” entre marzo e abril (para cobrar o pago a conta de maio) e para o segundo pago a conta (o de outubro) outras 6 horas entre xullo e setembro e ademais ter un incremento horario acumulado de xaneiro a setembro de como mínimo de 16 horas. -Establécense outros requisitos a maiores en canto a incremento horario para cobrar as liquidacións da parte variable.

A nosa valoración do borrador do acordo é negativa. Xa sabedes todos a nosa postura contraria ao acordo do 2014, na que o tempo deunos a razón, e se ainda o empeoran, ¡¡¡apañados imos!!! .

Borrador_Plan_PIA_2015.pdf

Desde a CIG pedimos que non se financien horas extras coas partidas da produtividade ordinaria, que os obxectivos non se cumplen por estar máis horas nos centros de traballo senón por ter xente preparada e motivada. Fomos os únicos en solicitar a información sobre a contía da partidas económica que teñen pensado adicar a este novo plan, cuestión na que a AEAT non quixo nin entrar (porque non interesará que se saiba). Cremos que se debe negociar o reparto de toda a produtividade, con criterios obxectivos e coñecidos por todos, coñecendo previamente os importes a repartir, e que o reparto debe ter unha proporcionalidade entre todos os traballadores.

Plan_Especial.pdf

A Xustiza considera “inadmisíbel” que o INSS pague “produtividade” por dar altas médicas a traballadores/as.

Dúas sentenzas, de aplicación en todo o Estado, estiman as demandas da CIG

20130611Ilegalidade_produtividade.pdf

Mais información na CIG-AEAT ligando para o 981 616 889

A seguir disponibilizamos nota informativa sobre o novo corte que sofrerá o Plano de Acción Social para 2013 e que xa recollen o proxecto de Orzamentos Xerais do Estado. Tamén disponibilizamos a nota de imprensa que enviamos aos meios denunciando esa situación e a "inxustiza" da produtividade.

• Acción Social 2013 [PDF | 94 KB]
• Denuncia Produtividade e Acción Social [PDF | 54 KB]

Mais información na CIG-AEAT ligando para o 981 616 889

A seguir disponibilizamos infos com o que saiu na imprensa acerca da nosa denuncia sobre o reparto da produtividade na AEAT.

• Denuncia no ABC [PDF | 388 KB]
• Denuncia no La Opinión [PDF | 288 KB]

Mais información na CIG-AEAT ligando para o 981 616 889

A seguir disponibilizamos comunicado de imprensa através do qual denunciamos o escandaloso reparto de produtividade na Delegación Especial da Galiza.

• Comunicado produtividade [PDF | 52 KB]

A seguir disponibilizamos nota informativa da reunión que tivemos nestes días co novo diretor da Axencia Tributaria. Entre os asuntos falados estiveran a Carreira Administrativa, Concursos e Sistema de Mobilidade, Produtividade, Vixilancia Aduaneira e Saúde Laboral.

• Nota informativa [PDF | 57 kB]

A seguir disponibilizamos nota informativa e senteza, a favor da CIG, do contencioso sobre a produtividade na nosa Delegación Especial.

• Nota informativa contencioso produtividade [PDF | 45 kB]
• Sentenza produtividade [PDF | 1.2 MB]

Nos pasados días soubemos que a nosa denuncia sobre o reparto da produtividade na nosa Delegación Especial foi admitida a trámite polo xulgado. Após tentarmos infrutuosamente, por todos os meios existentes ao noso alcanzo, coñecer as resolucións e disposicións onde vén regulado o criterio do reparto da produtividade vímonos na obriga de apresentar a correspondente denuncia ante os Tribunais de Xustiza.

• Nota informativa da CIG [PDF | 45 kB]

Desde xá, quem quixer ter acesso á info da produtividade mensal na sua Delegación, é só contatar con as seguintes delegadas e delegados da CIG AEAT:

Delegación da Coruña:

- Carmen Ares Iglesias
- Fernando Sánchez Garea

Delegación de Lugo:

- Mar López Trasorras

Delegación de Ourense:

- Consuelo Rivera Rodríguez
- Vítor Manuel Lourenço Peres

Delegación de Pontevedra:

- Miguel Jáudenes López de Castro

Delegación de Vigo:

- José Luis Pérez Rodríguez

Para mais info sobre como contatar as delegadas e delegados da CIG AEAT é só acesar aqui.

A seguir disponibilizamos o acordo que no dia de onte asinou toda a parte social coa AEAT sobre a publicidade do complemento da produtividade e que, esperemos, sexa aplicado xa neste mes de maio.

Seguindo o criterio de Función Publica, a AEAT está obrigada a facilitar os listados de produtividade en arquivo electrónico cos seguintes dados: nome e apelidos dos perceptores, subgrupo, corpo, nível, denominación do posto de traballo, área e Numa, e cantidade percibida.

Xa acabou, porfin, a tentativa da AEAT de ocultar os dados...

• Acordo Publicidade da Produtividade [PDF | 258 KB]