A seguir disponibilizamos información sobre a reunión de onte da Campaña de Renda, ben como a proposta da AEAT sobre as condicións e retribuicións para o persoal que vai participar na mesma.

• Nota informativa Renda 2009 [PDF | 46 kB]
• Proposta da AEAT Renda 2009 [PDF | 549 kB]

Hoxe decorreu unha nova reunión da Mesa sobre a Campaña de Renda 2009 e podemos adiantar que a Administración falou en manter a mesma verba económica do que o ano pasado.

Na nota informativa que disponibilizamos a seguir, oferecemos info pormenorizada desta reunión ben como damos conta das propostas que a CIG apresentará a respeito.

• Nota Informativa Campaña Renda 2009 [PDF | 58 kB]

A seguir disponibilizamos nota informativa sobre a primeira reunión da Campaña de Renda 2009. Adiantamos que foi meramente “propagandística” pois non pudemos nen apresentar as nosas propostas.

Combinamos en tratar de novo a Campaña de Renda no día 25 de febereiro, nesa data esperamos que a AEAT facilite por escrito a súa proposta de organización da Campaña.

• Nota informativa Campaña Renda 2009 [PDF | 44 kB]

Como xa adiantábamos na nota informativa de onte, a CIG non asinou o Acordo de Renda. Á suba raquítica que ofrece a administración unimos tamén a total indefinición cuanto a xornadas e horarios ás que nos ten costumados a AEAT: non hai proposta concreta de xornadas e horarios, non sabe/non responde a respeito dos sábados... pretenden carregar en exceso o traballo de mañás, para non pagaren as horas de tarde, non hai intención de pagar os excesos horarios debido á gran concentración de encontros (citas) etc.

Leia mais »

Onte á tarde tivemos a reunión para tratar as condicións da Campaña de Renda, que como xa sabedes, comezou en 1 de abril co borrador. A Admón entregounos unha primeira proposta de Acordo que, poderíamos dicer, é un calco do do ano pasado. Como este ano xa teñen escusa coa crise, nun primeiro momento aproveitaron para meter unha suba raquítica de 2% e, ainda por cima, só para as horas de mañá.

Ante tal despropósito, toda a parte social manifestamos a nosa máis absoluta indignación e, depois das consultas pertinentes ás "altas esferas", da AEAT ofrecen tamén unha suba de 2% para a tarde.

Leia mais »

Hoxe, de novo, tivemos reunión para tratar as condicións da Campaña de Renda deste ano. Como esperábamos, a AEAT manifesta a súa intención de manter o acordo do ano pasado en todos os aspectos, tanto económicos (ou sexa, non hai suba das contías) como de organización.

Da CIG solicitamos, un ano máis:

- Información relativa aos orzamentos da Campaña e a suba das retribucións a respeito do ano pasado.

- Pagamento da totalidade dos tempos traballados.

- Retribuición ao persoal desde o primeiro día traballado, ou sexa o 1 de abril, pois xa está aberto o prazo para modificar e confirmar o borrador.

- Tomada en cosideración da necesidade do persoal de apoio informático durante toda a xornada.

- Horarios homoxéneos e negociados previamente na Mesa de Campaña de Renda.

- Respeito para os tempos de descanso precisos e con un tempo minimo de 15 minutos por declaración.

Leia mais »

No dia de hoxe tivemos a primeira reunión de Campaña de IRPF 2008, ainda que teríamos que chamala, melhor dito, unha reunion "previa" e básicamente de apresentación da nova Directora do Departamento de Xestión Tributaria.

Un ano máis a AEAT convócanos tarde e mal, e vemos que non hai presa por tratar as condicións en que se fará a Campaña de IRPF. A negociación do Acordo de Renda iniciaráse probabelmente na semana anterior à Semana Santa, xa que para a semana próxima, por razóns de calendario, non é posíbel realizar ningunha xuntanza.

Leia mais »

A seguir disponibilizamos escrito dirixido ao Delegado Especial sobre a iminente Campaña de IRPF. Para a vosa información, que saibades que mañá de maña (día 17 de marzo), teremos a primeira tomada de contacto en Madrid sobre o Acordo de Renda para o ano 2009.

• Escrito CIG Campanha IRPF 2008 [PDF | 565 KB]

A seguir disponibilizamos a convocatoria do proceso selectivo para a consolidación do emprego temporario do persoal laboral que participa na Campaña do Imposto de Rendimentos (IRPF). Respecto aos temarios para a preparación do exame, a Subdirección de Formación infórmanos que até meados de Xullo non estarán disponíveis e que serán facilitados ao pessoal interesado através das Delegacións e Administracións.

• Resolución BOE nº 155, de 27 de Xuño de 2008 [PDF | 35 KB]
• Convocatoria proceso selectivo AEAT [PDF | 480 KB]

Comezada xa a Campaña de Renda deste ano, queremos informar-vos, caso non teñan ainda chegado a vós, das últimas novidades e iniciativas que estamos levando a cabo na mesma. Destarte, nos pasados días tivemos diversas conversas coa Xefatura de Xestión da Galiza para que tratase, na medida do posíbel, de respeitar o horario que fose do agrado da maioría das/os funcionarias/os nas diversas Delegacións e Administracións da AEAT.

Tamén lle fixemos chegar a nosa iniciativa para reclamar as horas efectivamente traballadas na Renda, dado que, como nos demais anos, están a ser feitas horas en exceso a respeito do horario previsto.

Leia mais »