A Administración ofrece un acordo exactamente igual ao do ano anterior; suba CERO, novidades CERO. Mira que se lles insistiu en que nos deran o borrador con antelación, pero dalles igual: convócannos ás 11:30, os responsables da AEAT chegan media hora tarde e aínda por riba coa mesma proposta do ano pasado.Unha vergoña. Nin siquiera teñen a decencia de trasladar aos módulos o suba acordada o venres en Función Pública. Despois da pretenciosa campaña publicitaria de “Una campaña en evolución constante” que nos venderon na reunión anterior pensabamos que a evolución tamén ía verse na proposta pero de momento nada cambia para os traballadores da AEAT. Deuse a reunión por rematada ao pouco de comezar polo que seguimos sen acordo de renda.

Desde a CIG insistiremos en: Pedir un aumento dos módulos retributivos nunha porcentaxe suficiente para recuperar o poder adquisitivo perdido nos últimos anos Recordarlles que a Campaña xa comeza nestes días (a partir do 15 de marzo xa están disponibles os datos fiscais e o incremento de xente pedindo información é considerable). Hai que asegurar a presenza de apoio informático nas plataformas (dependemos máis que nunca de que non fallen os equipos) A formación práctica é fundamental (co programa que teremos que utilizar) A Comisión de Seguimento debe funcionar con axilidade para resolver os problemas que teñen os traballadores: vacacións, criterios de participación, reparto das quendas, tempo por cita, etc.

MesaRenda.pdf

O acordo de Montoro cos sindicatos estatais só permitirá recuperar un 0,48% anual do poder adquisitivo perdido até o 2020. Recuperar o que nos foi recortado nos últimos 8 anos levaríanos 28 anos de se manteren os criterios dun acordo, pactado como vén sendo habitual fóra das mesas de negociación, e que desvincula os salarios do persoal das administracións públicas do IPC. Nas formas e no fondo, novamente un acordo entre o Ministerio de Facenda e as organización sindicais habituais (CC.OO., UGT e CSIF) volve a poñer en claro como se entende a negociación colectiva e como se xoga cos e coas traballadoras das administracións públicas. Vendido publicamente como un acordo para recuperación do poder adquisitivo do persoal, como unha vía para o incremento de postos de traballo no sector público e como a recuperación do 100% das nosas retribución en casos de baixa médica, o texto do acordo dista moito de responder a esas premisas, o que levou á CIG a criticalo na Mesa Xeral das Administracións Públicas reunida  en Madrid e a non asinalo.

CIG presentou as súas propias propostas. Fronte ao acordo que condiciona totalmente o debate na Mesa Xeral Estatal, a CIG defendeu unha proposta que incide realmente na recuperación da perda de poder adquisitivo, fixando para estes efectos unha suba adicional sobre o Acordo acadado entre o Goberno e os sindicatos estatais dun 2,54% en 5 anualidades, para recuperar o 13,20% de poder adquisitivo perdido no período 2010-1017, incluindo unha cláusula de garantía salarial por desviación do IPC. Estas cifras suporían que nun quinquenio todo o persoal que traballa nas AA.PP. podería recuperar o poder adquisitivo, o que nos permitiría afirmar con absoluta certeza que camiñamos, cun final fixado e perceptíbel, cara a recuperación do que nos quitaron.

Acordo_recortes.doc

A CIG vén de reclamar que se revise o sistema de cálculo das pensións tras constarse a presenza de erros que reducen as cantidades a percibir por parte das persoas xubiladas. Dende a central puxeron o caso en coñecemento do Instituto Nacional da Seguridade Social (INSS), cuxos responsábeis recoñeceron a existencia de problemas no programa informático utilizado para determinar a contía das prestacións pero non explicaron de que xeito teñen pensado garantir que non se repitan.

http://www.cig.gal/nova/a-cig-reclama-a-revision-do-sistema-de-calculo-das-pensions-tras-constatarse-erros-que-as-reducen.html

A CIG convoca unha manifestación nacional en defensa das pensións “presentes e futuras” o sábado 28 na Alameda de Santiago ás 12.00 horas

Os medios de comunicación repiten, desde hai tempo, que o sistema público de pensións está en perigo e publican análises de expertos que demandan a súa urxente revisión. A carón destas informacións aparecen páxinas completas de publicidade, a toda cor, convidándonos a subscribir plans de pensións privados. O secretario xeral da CIG, Suso Seixo, denuncia que estas mensaxes forman parte dunha campaña de captación de fondos para as entidades financeiras, dispostas a lucrarse aproveitando os enormes recursos dese inmenso nicho de mercado. Por iso chama á mobilización en defensa do actual modelo para garantir non só as pensións presentes, senón tamén as das futuras xeracións.

Aclaracion_xubilacion.pdf

Nota informativa aclarando diversas cuestións sobre a xubilación nos casos de prolongación da actividade laboral máis aló dos 65 anos.

Achegamos nota informativa para aclarar cuestións sobre a penalización na nómina a causa de baixa laboral

Informacionbaixas.pdf

Información sobre o cálculo das pensións de Clases Pasivas

clases_pasivas.pdf

A seguir disponibilizamos para descarregar Acordo Plano Social 2013.

• Acordo Acción Social 2013 [PDF | 409 KB]

Mais información na CIG-AEAT ligando para o 981 616 889

A seguir disponibilizamos información sobre as pólices de seguros asinadas pola AEAT para o seu persoal (acidentes e responsabilidade civil).

• Seguro responsabilidade civil [PDF | 12 KB]
• Seguro acidentes [PDF | 13 KB]

A seguir disponibilizamos ligazón para o convenio asinado entre Vixilancia Aduaneira e a Secretaría Xeral do Mar, publicado hai unhas semanas no B.O.E.

• Convenio SVA / Meio Ambiente [PDF | 190 KB]

Mais información na CIG-AEAT ligando para o 981 616 889

A seguir disponibilizamos o Acordo de Mobilidade, cuxo obxetivo é regular o tratamento dos funcionarios destinados en provincias con expetativas de mobilidade con caráter previo á incorporación de funcionarios de novo ingreso, no contexto do Acordo de Carreira Administrativa asinado en 14 de novembro de 2007.

• Acordo de Mobilidade [PDF | 783 KB]

A seguir disponibilizamos información sobre as modificacións do cálculo das pensións no réxime da Seguridade Social, ben como o acordo proposto polo Goberno español a CEOE, CEPYME, CCOO e UGT.

• Díptico Informativo: UGT e CCOO Venderon as Nossas Pensións [PDF | 1.7 MB]
• Acordo Reforma Pensións Seguranza Social [PDF | 166 kB]

A seguir disponibilizamos información sobre a reunión de onte da Mesa de Acción Social para o ano 2010, ben como o acordo assinado. Informamos tamén que as axudas de idiomas irán no ordenado deste mes de marzo.

• Nota informativa Plano Acción Social 2010 [PDF | 44 kB]
• Acordo Acción Social 2010 [PDF | 1.1 MB]

A seguir disponibilizamos diverso material de interese sobre o Calendario Laboral e o Controle Horario:

• Resolución de 04/12/2001 da Dirección Xeral da AEAT en materia de controle horario [PDF | 922 kB]

• Instrución de 04/12/2001 do director do Departamento de Recursos Humanos para a aplicación da resolución en materia de controle horario [PDF | 3.03 MB]

• Acordo AEAT - Sindicatos sobre o Calendario Laboral da Axencia Tributaria, asinado en 05/06/2003 [PDF | 456 kB]

A seguir disponibilizamos a última versión do Manual de Recursos Humanos, actualizada a 6 de Outubro de 2008, un documento resumo das diferentes permisións e licenzas do persoal funcionario e laboral recollidas pola normativa vixente.

• Manual de Recursos Humanos [PDF | 428 KB]