Despois da proposta da Administración na que se recollía negociar o reparto de 22 millóns de euros entre o grupo D, Axentes Tributarios e o CTH, os sindicatos tivemos unha reunión intentando acordar unha proposta conxunta para presentarlle á Administración.

A reunión, dense o noso punto de vista, resoltou positiva xa que se evidenciou que son mais as cousas que nos unen que as que nos separan, e é posible chegar a un acodo unánime para presentarnos unidos e con máis forza diante da AEAT.

Full story »

Hoxe publicouse no BOE a convocatoria do esperado concurso do Servizo de Vixilancia Aduaneira. Lembrade que tedes un prazo de 15 días para presentar as instancias. Se precisades calquera aclaración, podedes dirixirvos aos compañeiros da CIG do voso centro de traballo ou contactar co noso local sindical no 981 61 68 89 (Carmen)

Houbo unha nova reunión da Mesa Xeral para tratar o tema da carreira profesional e administrativa. Unha vez mais a AEAT presentou un papel (que nin proposta se lle pode chamar) no que cuantificaba o posible acordo en 22 millóns de euros e propoñía crear un grupo de traballo para elaborar unha proposta o antes posible.

Por parte da CIG seguimos a manter a nosa postura de desenrolar unha carreira profesional e admva. con definición de funcións, con niveis e específicos axeitados á nova realidade da Axencia, en base a ter unha Administración Tributaria moderna, eficaz , dignamente retribuida e sin as escandalosas diferencias salariais existentes hoxe en día.

Full story »

Pasadas xa as eleccións sindicais, nas que a CIG acadou representación en todas as Xuntas de Persoal de Galiza, e deixando para mais adiante os correspondentes analisis, dende a CIG-AEAT queremos agradecer a todos e todas o seu apoio, e lembrarlles que o seu voto servirá para poder defender os intereses do persoal da Axencia sin vendidas nin traicións.

Un recoñecemento especial aos que fixeron posible a presentación de candidaturas formando parte das nosas listas. Moitas grazas. Seguiremos a loitar por unhas condicións de traballo dignas e na defensa dos servizos públicos

A Sección Sindical da CIG-Axencia Tributaria ven realizando a súa labor dende a creación deste Organismo. Neste tempo participamos activamente nas distintas Mesas de Negociación abertas no seo da Axencia, asinando uns acordos e non asinando outros, pero sempre atendendo as decisións dos delegados da CIG e contando ca opinión do persoal da AEAT.

A CIG conta con delegados sindicais en todas as Delegacións da AEAT de Galicia, para que a túa opinión se escoite en Madrid, sen intermediarios. Na nosa Central Sindical practicamos o sindicalismo pola base, non deciden as cúpulas, deciden as bases. En contraposición á actuación da CIG, noutros sindicatos faise o que mandan os dirixentes sen contar nin cas súas bases nin cos traballadores.

Full story »

A seguir informamos das candidaturas apresentadas pola CIG às próximas Eleicións Sindicais na Axencia Tributaria. Os ficheiros están en formato pdf, só tendes de clicar en cima para aceder o mesmo:

• Candidatura A Coruña. [en pdf]
• Candidtura Lugo. [en pdf]
• Candidatura Ourense. [en pdf]
• Candidatura Pontevedra. [en pdf]

«O Estatuto Básico da/o empregada/o público estabelece os princípios xerais aplicábeis ao conxunto das relacións de emprego público, comezando polo servizo ás/aos cidadás/aos e ao interesse xeral, xa que a finalidade primordial de calquer reforma nesta materia debe ser mellorar a calidade dos servizos que a/o cidadá/ao recebe da Administración. [...]»

Disponibilizamos a seguir o texto deste Estatuto na íntegra na versión en galego:

• Estatuto Básico da/o empregada/o público. [en pdf]

Onte tivemos a última reunión sobre a Campaña de IRPF, para tratar as condicións que van rexir neste ano.O acordo foi asinado por UXT, CCOO e SIAT, contando co rexeitamento por parte da CIG, porque no acordo seguen quedando sen recoller moitos aspectos que levamos reclamando en todas as reunións:

Full story »

Na reunión do pasado xoves 8 de marzo a AEAT volveu a presentar a mesma proposta da reunión anterior, sin variar nin unha coma, desoíndo por tanto as demandas da parte social.

A CIG expresou a sua intención de non servir de coartada a Administración para unha pequena reforma do actual sistema de reparto de productividade, para que as cousas segan mais ou menos igual.

Full story »

O pasado xoves ( o día 8 de marzo) asistimos de novo en Madrid á reunión sobre o próximo concurso do SVA. Non sabemos porque a administración convoca aos sindicatos, cando realmente non existe ningunha intención de negociar coa parte social.

A Axencia deu por pechadas as bases do concurso, coa súa idea de valorar o que eles chaman "experiencia profesional con relación de equivalencia ", no que se poñen en xogo, de acordo coa proposta da administración, nada mais e nada menos que un total de 15 puntos, ao que habería que engadir o informe do xefe, co cal a falta de obxectividade neste concurso é manifiesta.

Full story »

Outra vez mais, no día de onte a administración presentounos unha proposta que non modifica en case nada a proposta anterior: entregounos un borrador prácticamente idéntico ao do último día, só introduce unha referencia ao seguimento do acordo e ao referente á distribución e número de persoas de cada equipo de traballo e concreta o réxime horario do persoal contratado para a campaña.

Segue negándose a modificar ningunha partida económica respecto ao último borrador, incluindo as retribucións económicas para o persoal de informática, colaboración extraordinaria dentro da xornada de traballo e para os operadores que realizan funcións de coordinación; que non aumentan nin o IPC respecto ao ano pasado.

Full story »

A reunión prevista para a reunión da Comisión do Concurso de Axentes aprazouse ata a próxima semana, é previsible que sexa o vindeiro día 13 de marzo, e que para esa data nos faciliten uns novos listados.

Temos a vosa disposición os primeiros listados do concurso de AXENTES de FACENDA PÚBLICA, se queredes algunha información sobre as plazas, postos...etc, podedes consultar o Panel de RRHH ou dirixirvos aos delegados da CIG.

Full story »

O pasado xoves tivemos en Madrid o primeiro contacto sobre o concurso do SVA que sairá este ano. A reunión non deu máis de si porque a Administración non viña con actitude negociadora: ao inicio da propia reunión entregounos un borrador coas bases e criterios do concurso, polo tanto, nin tempo tivemos a estudialas con calma; ademais, non deu explicacións sobre o número de prazas que van sair no concurso, e limitouse a presentar unha proposta que para nós é incompleta e inxusta.

En canto ao número de prazas a cubrir só sabemos que o total de postos que sairán no concurso é de 331 (para todos os grupos), polo que non nos queda outra que imaxinarnos que moitas destas serán para cubrir a tripulación do Fulmar e o Petrel, e non nos facilitaron ningún dato acerca da distribución xeográfica e o reparto por grupos.

Full story »

Na reunión do pasado xoves, a Administración presentounos un borrador que para a totalidade da parte social é totalmente inaceptable: non se contempla ningunha suba respecto ao ano pasado nos apartados "Colaboración extraordinaria dentro da xornada de traballo", nin para os operadores que realizan funcións de coordinación, e tampouco para o persoal de apoio de Informática Tributaria.

O resto das partidas da proposta da administración só suben un 2,5%, é dicir, ofrecen unha suba menor que o IPC do 2006, polo que vemos que a AEAT quere que os seus traballadores perdan poder adquisitivo ano tras ano.

Full story »

Onte recibimos unha comunicación do "Defensor del Pueblo" na que se admite a trámite a denuncia da CIG sobre a situación do SVA, relativa á segunda actividade.

A queixa presentada pola CIG baseábase en que, dez anos despois do comprometido na Lei 66/97, a situación de segunda actividade para os funcionarios do SVA segue sen contar cunha regulación específica, e polo tanto, este colectivo, ao alcanzar determinadas idades, atópase nunha situación de desamparo total, sen ningunha lexislación que o protexa.

Full story »