Novidades do Concurso de Axentes

06 Mar 2007
Email , Categorias: Información AEAT, Concursos,

A reunión prevista para a reunión da Comisión do Concurso de Axentes aprazouse ata a próxima semana, é previsible que sexa o vindeiro día 13 de marzo, e que para esa data nos faciliten uns novos listados.

Temos a vosa disposición os primeiros listados do concurso de AXENTES de FACENDA PÚBLICA, se queredes algunha información sobre as plazas, postos...etc, podedes consultar o Panel de RRHH ou dirixirvos aos delegados da CIG.

Full story »

 

Concurso do SVA

05 Mar 2007

O pasado xoves tivemos en Madrid o primeiro contacto sobre o concurso do SVA que sairá este ano. A reunión non deu máis de si porque a Administración non viña con actitude negociadora: ao inicio da propia reunión entregounos un borrador coas bases e criterios do concurso, polo tanto, nin tempo tivemos a estudialas con calma; ademais, non deu explicacións sobre o número de prazas que van sair no concurso, e limitouse a presentar unha proposta que para nós é incompleta e inxusta.

En canto ao número de prazas a cubrir só sabemos que o total de postos que sairán no concurso é de 331 (para todos os grupos), polo que non nos queda outra que imaxinarnos que moitas destas serán para cubrir a tripulación do Fulmar e o Petrel, e non nos facilitaron ningún dato acerca da distribución xeográfica e o reparto por grupos.

Full story »

 

Novas informacións sobre a Campaña da Renda 2006

03 Mar 2007

Na reunión do pasado xoves, a Administración presentounos un borrador que para a totalidade da parte social é totalmente inaceptable: non se contempla ningunha suba respecto ao ano pasado nos apartados "Colaboración extraordinaria dentro da xornada de traballo", nin para os operadores que realizan funcións de coordinación, e tampouco para o persoal de apoio de Informática Tributaria.

O resto das partidas da proposta da administración só suben un 2,5%, é dicir, ofrecen unha suba menor que o IPC do 2006, polo que vemos que a AEAT quere que os seus traballadores perdan poder adquisitivo ano tras ano.

Full story »

 

"Defensor del Pueblo" admite a trámite a denuncia da CIG sobre o S.V.A

14 Fev 2007
Email , Categorias: Vixilancia Aduaneira, Info SVA,

Onte recibimos unha comunicación do "Defensor del Pueblo" na que se admite a trámite a denuncia da CIG sobre a situación do SVA, relativa á segunda actividade.

A queixa presentada pola CIG baseábase en que, dez anos despois do comprometido na Lei 66/97, a situación de segunda actividade para os funcionarios do SVA segue sen contar cunha regulación específica, e polo tanto, este colectivo, ao alcanzar determinadas idades, atópase nunha situación de desamparo total, sen ningunha lexislación que o protexa.

Full story »

 

Mesa da Campaña da Renda 2006

14 Fev 2007

Onte, 13 de febreiro, asistimos á mesa para tratar sobre a próxima campaña de Renda .A administración non facilitou ningunha da información á que se comprometera na reunión anterior: borrador coa súa proposta, presuposto para a nova campaña..etc

A CIG reiterou as peticións da reunión anterior, e esperamos que queden plasmadas no novo acordo de renta:

Full story »

 

Mesa de Produtividade de 7 de Fevereiro de 2007

08 Fev 2007

Despois de moitos anos sen tratar o tema da productividade, a administración convocounos onte en Madrid para comezar a negociación deste complemento tan inxusta e arbitrariamente repartido. O Subdirector de Relacións Laborais asistiu acompañado da Subdirectora de Inspección e o Subdirector de Programación e Incentivación.

O día 6 de xaneiro, á ultima hora da mañá ( é dicir, unhas horas antes da reunión), a administración repartiu ás organizacións sindicais un "borrador" da súa proposta dos criterios dun novo baremo para o reparto da productividade dos funcionarios de inspección e para a asignación do complemento de productividade...

Full story »

 

Mesa Xeral da AEAT de 31 de Xaneiro de 2007

01 Fev 2007
Email , Categorias: Información AEAT, Carreira,

O borrador da proposta da Administración constaba de 7 puntos, dos cais non se chegou a debatir en profundidade nin o primeiro. Este primeiro punto establecía que a carreira profesional e admva. baséase na agrupación de postos de traballo dos mesmos grupos de clasificación, posicións retributivas e características (excluíndo aos postos de libre desiñación e natureza operativa) nun mesmo tramo ou categoría.

A CIG na sua intervención, explicoulle á Admón. que esta se esquecera de introducir no texto que a carreira administrativa e profesional é un dereito dos/das traballadores/as para permitirlle o progresivo avance na sua vida profesional e o acceso a postos de traballo cada vez mais cualificados, con maior responsabilidade e mellor retribuidos, dentro dun sistema obxectivado de promoción. Expresamos tamén o noso desexo de que tanto os postos de libre desiñación como todo o grupo A formen parte desta negociación.

Full story »

 

Mais sobre Acción Social 2007

31 Jan 2007

Onte cerrouse o Plan de Acción Social do ano 2007, todos os sindicatos, agás a CIG estaban de acordo coa administración. A CIG non asinou por entender que dito plan aos únicos que beneficia son as rentas máis altas da AEAT en detrimento das rentas máis baixas, xa que neste Plan e ca deducción por número de fillos e o aumento da base imponible ata 37.000 euros, poderán ter acceso ás axudas funcionarios con rentas superiores a 45.000 ou 50.000 euros anuais, e así, lóxicamente para poder cubrir estas axudas non se poden aumentar as contías das axudas do persoal que menos gaña na AEAT.

Como novedades deste plan, incrementouse a dedución por fillos, 2600 euros por cada un dos dous primeiros fillos e 2000 a partir do terceiro (antes eran 1.800 €), e os fillos deberán ser menores de 25 anos ( e non 23 como era antes), se amplía o importe máximo que cada empregado poderá percibir polo conxunto de axudas (pasa de 6.300 a 6.700), etc.

Full story »

 

Nova reunión da Mesa de Formación Continua

31 Jan 2007
Email , Categorias: Información AEAT, Formación,

O pasado día 30 estivemos na Mesa de Formación Continua da Axencia para o ano 2007. Nesta mesa a administración informounos do presuposto previsto para formación para o ano 2007 (1 millón de euros), e da nova proposta do proxecto do Plan de Formación Continua para o ano 2007.

Nesta nova proposta da administración quedaron recollidas moitas das accións formativas, que de xeito verbal e escrito, leva reclamando a CIG durante moito tempo.

Full story »

 

Previsións Concursos

30 Jan 2007
Email , Categorias: Información AEAT, Concursos,

CONCURSO INFORMÁTICA (2006 A 01.- Xa quedou pechada a Comisión de Valoración do concurso, que se reuniu por última vez o pasado 30 de xaneiro, xa quedaron todos os postos e próximamente se enviará ao BOE.

CONCURSO AXENTES (2006 A 02)- Todavía se están a preparar os listados provisionais, o retraso nos listados deste concurso ven motivado pola documentación adicional que se está pedindo para xustificar a puntuación da conciliación da vida familiar e laboral. As últimas previsións apuntan a que a reunión da Comisión terá lugar entre a segunda e a terceira semana de febreiro.

Full story »

 

Propostas da CIG ao Plano de Acción Social 2007

28 Jan 2007

Os próximos días 29 e 30 de xaneiro reuniremonos coa administración para tratar o Plan de Acción Social para o ano 2007, nos que a CIG presentará as súas propostas.

A propostas da CIG están encaminadas á axudar aos viúdos/as e fillos dos traballadores da AEAT, que, no momento do seu falecemento prestaban servizos na Axencia Tributaria.

Full story »

 

Mesa de Formación Continua

27 Jan 2007
Email , Categorias: Información AEAT, Formación,

O pasado día 24 estivemos na mesa de Formación para que a AEAT nos presentara as súas propostas en materia de formación continua para o ano 2007.Como sempre, a administración deixa todo para o último momento, xa que nos convoca só con marxe dunha semana para presentar o Plan de Formación Continua no MAP ( o día 31 de xaneiro é o día límite para que éste se presente no MAP).

Na proposta da administración desaparece a posibilidade de realizar os cursos para preparar a promoción interna de xeito presencial, agora todas as posibilidades para facer os curso de preaparación á promoción pasan por facelos "a distancia", e, en principio non se contempla outra opción.

Full story »

 

Campaña da Renda 2006

24 Jan 2007

O día 23/01 reunímonos coa Admon. para tratar sobre a campaña de renda do 2006. Pola admón. estaban a Directora de RR. HH e Adom. Económica, o Director Adjunto de RR.HH, o Subdirector de Relacións Laborais, e Jesús Gascón representando a Gestión Tributaria.

A administración fixo unha exposición do resultado da campaña de 2005, e quedou en darnos máis información dos resultados por Delegacións.
Para este ano 2006 adiantouse a convocatoria para selección de persoal laboral e se incrementan as prazas un 4% (Boe 29-12-06).

Full story »

 

Mesa Xeral de 16 de Xaneiro virada para a Carreira Profesional dos empregados da AEAT

19 Jan 2007
Email , Categorias: Información AEAT, Carreira,

O pasado 16 de xaneiro, a administración convocounos para comezar a discutir sobre os criterios da carreira profesional dos empregados da AEAT. A proposta da administración comezaba por facer unha distribución por categorías e basada na antigüidade, a valoración do desempeño e a formación.

A CIG deixou ben claro que, na actualidade, non existe unha definición dos distintos postos de traballo nin das súas función. Como ben sabedes, en todas as administración e delegación da AEAT atopamos funcionarios do grupo D asuminndo traballos do grupo C, e así sucesivamente, sen ningunha lóxica e sen o amparo de ningún regulamento.

Full story »

 

Plano 2007 Acción Social

18 Jan 2007

O pasado día 18 de xaneiro reunímonos a parte social e a administración para empezar a desenrolar o Plan de Axudas da AEAT para o ano 2007. Coma sempre, e por non perder o costume, a admón tiña preparada a súa xogada: este ano pretenden eliminar o seguro de vida e accidentes que temos todos os traballadores da Axencia e adicar eses cartos para Acción Social.

A súa idea é que se incrementen os niveis de renta dos tramos que se exixen para acceder a esas axudas, o que na práctica leva a que saian beneficiados os que teñen un maior nivel de renta, en contra do que debería ser o espíritu do plan, é dicir, favorecer as persoas con menores ingresos.

Full story »

 

<< 1 ... 60 61 62 63 64 65 66 67 68 69 70 >>



Sede Nacional:
Delegación AEAT da Coruña

Telefone: 981 616 889
Fax: 981 127 222
Co-e: cigaeat[@]gmail.com


Quen somos na AEAT?
Ficha de Afiliación
Contacta
Dezembro 2017
Seg Ter Qua Qui Sex Sab Dom
 << <   > >>
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Busca

Ligações

Web Oficial da Confederación Intersindical Galega
Formación Online
Gabinete Confederal Saúde Labora
Fundación para o Estudo e a Divulgación da Cuestión Social e Sindical en Galiza
Fundación para a Orientación Profesional, Emprego e Formación en Galiza
CIG Administración Pública

Ferramentas do usuário

Feeds XML

What is RSS?

Quem está online?

  • Usuários convidados: 0
Contadores

Contadores de visitas gratis para webCursosContadores de visitas gratis para web
powered by b2evolution free blog software