FORMACIÓN CONTINUA 2015

30 Jan 2015
Email , Categorias: Formación,

Desde a CIG solicitamos que se incrementen os cursos de carácter presencial, pois agora xa parece institucionalizado que todos se teñan que facer pola vía e-learning. En concreto, parécenos importante que sexan presenciais os cursos de manexo de ferramentas ofimáticas (Word, Excel, etc) pois o manexo práctico é moi importante e isto é moi difícil aprendelo nos cursos a distancia. A mesma opinión temos nos cursos de fomento da cualificación profesional. Por outro lado, ao respecto dos cursos de inglés, que teñen moi boa valoración, comentamos que os últimos niveis que se introduciron neste ano son demasiado técnicos (inglés de negocios e comercial) e ademais, non hai manuais. A ese nivel, consideramos que a AEAT debería facer outra oferta, como cursos de tipo presencial, encamiñada a conseguir algún tipo de certificación oficial ( o TOIEC, acceso aos exames de Cambridge..algo así). Aínda que non tocaba, pois non corresponde a formación continua, comentamos que non se pode xustificar de ningún xeito que os cursos para directivos incluidos no plan de formación da AEAT se impartan en sitios “pouco adecuados” (en hoteis de luxo con spa, por poñer un exemplo); iso non é de recibo.

Formacion_Continua_15.doc

Proposta_Formacion_2015.pdf