Convenio SVA e SASEMAR: Vídeo do debate no Parlamento da Galiza

07 Jul 2010
Email , Categorias: Vixilancia Aduaneira, Info SVA,

Gravación do debate no Parlamento da Galiza da iniciativa do BNG sobre o convenio entre o SVA e SASEMAR, a respeito de que o servizo de Vixilancia Aduaneira pudese utilizar os meios que Salvamento Marítimo ten no Monte Enxa.

O debate ocorreu no dia 9 de abril de 2010, con as intervencións de Lino Sexto, subdiretor-xeral do Servizo de Gardacostas da Galiza e Bieito Lobeira, deputado do BNG.

 

Cursos de Promoción Interna - Acción Social

07 Jul 2010

Na Intranet xa tendes a seguinte información:

- Cursos apoio á promoción interna (para a preparación aos corpos Xeral Auxiliar, Xeral Administrativo, Axentes, Técnico Auxiliar de Informática e Corpo Técnico de Facenda). O prazo para se inscrever é de 6 a 15 xullo de 2010.

-Ampliación do prazo das axudas de Acción Social (para aquelas en que finalizaba o prazo no día 30 de xuño).O novo prazo é até 9 de xullo.

 

Controle das situacións de incapacidade temporaria pola Muface

07 Jul 2010

Foi publicada no BOE de 1 de xullo de 2010, a Orde que regula o procedimento de recoñecimento, controle e seguimento das situacións de incapacidade temporaria (IT), risco durante a gravidez (embarazo) e risco durante a lactación natural, no Réxime Especial da Seguranza Social dos Funcionarios Civís do Estado.

Esta orde fai referencia, en varios dos seus artigos, a “Unidades Médicas de Seguimiento” para o recoñecimento dos mutualistas. Estes recoñecimentos serán levados a cabo polas Direccións Provinciais do Instituto Nacional da Seguranza Social (INSS), segundo o acordo de Encomenda de Xestión entre a MUFACE e o INSS, publicado no BOE de 9-2-2010 por Resolución da Subsecretaría do Ministerio da Presidencia.

 

Nomeación funcionários Corpo Executivo VA

07 Jul 2010

Mais información na CIG-AEAT chamando para o 981 616 889

No BOE do pasado sábado foi publicada a nomeación dos funcionarios do Corpo Executivo de Vixilancia Aduaneira, correspondente á convocatoria de 2008. A seguir disponibilizamos a ligazón para ver e/ou descarregar o ficheiro con toda a información.