Diante das alternativas que se están a estudar por parte dos gobernos central e galego para atallar a crise económica, "á conta dun sacrificio enorme por parte da maioría social, que son os traballadores/as, encuanto que aqueles que a provocaron van saír incólumes”, a CIG acordou dar un carácter máis mobilizador a este 10 de marzo, Día da Clase Obreira Galega.

Por iso, este ano convocará manifestacións nas sete cidades do País sob o lema "O emprego, os salarios e as pensións deféndese loitando". Alén diso, celebrará, por cuarto ano consecutivo, o Premio do Día da Clase Obreira Galega, nun acto que terá lugar, en Compostela, no día 9 de marzo.

Mobilizacións:

* A Coruña: Ás 20:00 horas da Praza da Palloza
* Compostela: Ás 20:00 horas da Praza Roxa
* Lugo: Ás 20:00 horas da Ronda da Muralla (local CIG)
* Ferrol: Ás 20:00 horas da Avda de Esteiro (local CIG)
* Ourense: Ás 20:00 horas, do Pavillón dos Remedios
* Pontevedra: Ás 20:30 horas da Praza da Ferrería
* Vigo: Saída ás 20:00 horas da Vía Norte

Mais info: xornal dixital Avantar