Infórmase igualmente do 8 de marzo, Día da Muller Traballadora, e do 10 de marzo, Día da Clase Obreira Galega

A CIG acaba de editar un novo boletín [PDF | 1.9 MB], dirixido a delegados e delegadas da CIG, para explicar a posición da central sindical a respeito das medidas que se están a estudar polo goberno para afrontar a crise económica e para apresentar as súas alternativas. Infórmase tamén das convocatorias da mobilizacións do 10 de marzo en cada comarca, que desta volta celébranse baixo o lema: O emprego, os salarios e as pensións deféndense loitando!

Resposta:

No boletín analísase o alcance e consecuencias de medidas como a reforma das pensións, a conxelación salarial e a proposta de reforma laboral; explícanse as alternativas que defende a central sindical para afrontar a crise e para mellorar as condicións laborais: o que significa para Galiza a Lei de Caixas e a importancia da mobilización que, en defensa da nosa lingua, decorreu en Compostela, con motivo da greve do ensino, o pasado 21 de xaneiro.

Especial relevancia, polas datas en que nos encontramos, teñen as informacións relativas tanto ao 8 de Marzo, Día Internacional da Muller Traballadora, que se realiza baixo o lema: Resistimos! Loitamos! Reivindicamos o noso espazo na sociedade, como mulleres, traballadoras e galegas!, como o 10 de marzo, Día da Clase Obreira Galega.

Fonte: xornal dixital Avantar