O Secretario Xeral da CIG, Xesús Seixo, acompañado polo Secretario Comarcal da CIG da Coruña, Paulo Carril, manifestou ao Delegado do Goberno o total rexeitamento da central sindical á proposta de reforma laboral e da Seguranza Social anunciada polo presidente Zapatero.

No breve encontro que os representantes da CIG mantiveron con Antón Louro, tamén mostraron o malestar polo feito de que as propostas do Goberno, en materia laboral e social, se fagan chegar só as organizacións sindicais estatais, excluíndo as outras dúas centrais que teñen a consideración de máis representativas no Estado español: CIG e ELA.

Mais info: xornal dixital Avantar