A seguir disponibilizamos a ligazón para descarregar a resolución do concurso de auxiliares administrativos (2009 G 01) que foi publicada no BOE de hoxe.

Igualmente, disponibilizamos a ligazón para descarregar a convocatoria do concurso do subgrupo A1 (publicada no BOE do 28/11/09).

• Resolución concurso auxiliares 2009 G 01 [PDF | 505 kB]
• Resolución convocatoria concurso subgrupo A1 [PDF | 618 kB]

A AEAT xá disponibilizou os listados coas pontuacións provisorias do concurso do Corpo Técnico de Facenda, que fora convocado no BOE de 27/08/09.

A reunión da Comisión de Valoración do concurso está axendada para os días 2 e 3 de decembro. Se tiverdes algunha reclamación ou consulta a respeito das pontuacións, contactai connosco.

Na reunión de onten da Comisión Paritaria de Acción Social a AEAT deixou cair a hipótese de minorar determinadas axudas para o ano 2010; a parte social, é claro, mostrou a sua oposición.

Além disso, outros asuntos tratados foron o pagamento das axudas nos meses de outubro e novembro e o fundo sobrante que atinxe 1,1 millóns de euros.

• Nota informativa Acción Social [PDF | 45 kB]

No BOE de hoxe, foi publicada a convocatoria de un novo concurso para o Corpo Técnico de Facenda. Podeis aceder á resolución publicada aqui.

María Carme López Santamariña, a primeira muller en ocupar a Secretaría Federal da CIG-Administración

O V Congreso da Federación da Administración Pública elexeu María Carme López Santamariña nova Secretaria Nacional, tornando-se deste modo na primeira muller que vai ocupar este cargo na Federación. A candidatura de López Santamariña conseguiu 77 votos, face aos 56 conseguidos por María Consuelo Rodríguez, os 30 de Rafael Aguirrebengoa, e os 16 de Manuel Facorro.

Full story »

A seguir disponibilizamos nota informativa sobre a situación dos distintos concursos da AEAT, e informamos que xá foi dada a coñecer a relación de adxudicatarios do concurso de Axentes 2009 A 01. Para mais info é só contactardes connosco.

• Nota informativa concursos AEAT [PDF | 49 kB]

Segundo informan de Acción Social no ordenado deste mes (novembro de 2009) serán reembolsadas o resto das axudas que estaban pendentes de pagamento (exceptuando aquelas que tiveren incidencias por falta de documentación etc...).

Tende en conta que as axudas de promoción, estudos e xubilación xa foron pagas no ordenado de outubro.

A seguir disponibilizamos nota informativa sobre a reunión da Comisión Permanente da Mesa de Saúde Laboral, que tivo lugar hoxe, e na cal tratamos os seguintes asuntos:

- Resolución do Director da AEAT sobre o plano de actuacións da pandemia de gripe polo virus H1N1

- Accións formativas para o Plano de Formación de 2010

- Procedimentos de prevención

• Nota Mesa Saúde Laboral [PDF | 49 kB]

A seguir disponibilizamos os rascuños (borradores) coas bases dos concursos para Axentes de Facenda Pública e o Corpo Técnico de Facenda, que sairán publicados en breve. Nen as bases nen os postos que sairán a concurso foron negociadas coa parte social.

Nestes concursos sairán os postos vacantes de necesaria cobertura antes da incorporación das novas promocións de Axentes e do CTH da convocatoria por aceso libre de 2008.

• Rascuño concurso axentes [PDF | 1.3 MB]
• Rascuño concurso CTH [PDF | 1.4 MB]

Xá saiu publicada a resolución coa nomeación en práticas da nova promoción de Axentes de Vixilancia Aduaneira (convocatoria de 2008). A data de efeitos da nomeación é de 11 de xaneiro de 2010.

No caso de non poderdes ter aceso á resolución, é só contardes connosco.