Hoxe, de novo, tivemos reunión para tratar as condicións da Campaña de Renda deste ano. Como esperábamos, a AEAT manifesta a súa intención de manter o acordo do ano pasado en todos os aspectos, tanto económicos (ou sexa, non hai suba das contías) como de organización.

Da CIG solicitamos, un ano máis:

- Información relativa aos orzamentos da Campaña e a suba das retribucións a respeito do ano pasado.

- Pagamento da totalidade dos tempos traballados.

- Retribuición ao persoal desde o primeiro día traballado, ou sexa o 1 de abril, pois xa está aberto o prazo para modificar e confirmar o borrador.

- Tomada en cosideración da necesidade do persoal de apoio informático durante toda a xornada.

- Horarios homoxéneos e negociados previamente na Mesa de Campaña de Renda.

- Respeito para os tempos de descanso precisos e con un tempo minimo de 15 minutos por declaración.

Resposta:

Un novo encontro foi marcado para os días 14 ou 15 de abril, esperemos que para aquela altura xa con propostas concretas, embora a nosa impresión sexa que a AEAT non vai mover nin un dedo polos traballadores que con o seu esforzo fan que a Campaña de Renda saia adiante.

• Nota Campaña IRPF Mesa 01-04-2009 [PDF | 52 KB]