A CIG vai desenvolver neste Primeiro de Maio, Día Internacional da Clase Traballadora, unha campaña de manifestacións por todo o País, continuando as mobilizacións que nos últimos meses a central veu desenvolvendo para reclamar que a crise sexa paga polo capital. Este ano o lema das manifestacións será «Emprego, Direitos e Prestacións Sociais» reivindicacións históricas que gañan especial importancia nestes tempos de crise non só económica, mas tamén de sistema.

Full story »

Como continuación das reunións anteriores, hoxe tivemos reunión da Comisión de Seguimento da Mesa de Carreira Administrativa para tratar diversos aspectos pendentes de desenvolver do Acordo, entre os cais destacamos Concursos, Mobilidade Xeográfico e a Reclasificación Funcionarios Tramo 0.

A seguir disponibilizamos nota informativa dando comprida información sobre cada asunto, ben como as Propostas de Bases apresentadas pola AEAT para concurso específico para Subgrupo C1, especialidade de Axentes da Facenda Pública; para concurso xeral para Subgrupo C1 e Subgrupo A2; e para mobilidade xeográfica.

• Nota CIG Mesa Carreira 29-04-2009 [PDF | 65 KB]
• Proposta Bases AEAT Concurso Axentes [PDF | 823 KB]
• Proposta Bases AEAT Concursos C1 e A 2 [PDF | 854 KB]
• Proposta Bases AEAT Mobilidade Xeográfica [PDF | 967 KB]

Desde que, vai xa para 14 anos, o sindicalismo internacional adoptou o 28 de abril como xornada de lembranza para as vítimas do traballo, non moitas cousas teñen mellorado a este respeito. De facto, cada 15 segundos morre no mundo un traballador/a como consecuencia dun accidente de traballo ou dunha doenza relacionada co traballo, e cerca de 5.500 morrerán cando acabar o día.

Dados escandalosos que, no caso da Galiza, maniféstanse en 72 persoas mortas por causa de acidentes laborais e máis de 1.200 traballadores e traballadoras afectadas por unha doenza profesional. Por isso, por todos os traballadores e traballadoras que sofren unhas malas condicións de traballo, na Confederación Intersindical Galega, continuaremos a levantar a nosa voz para reclamar a defesa da nosa saúde nos nosos lugares de traballo.

A seguir disponibilizamos nota informativa sobre a "non aplicación", cuando menos neste mes, do Acordo de Carreira Administrativa aos funcionarios de novo ingreso e que están no Tramo 0.

Para terdes toda a información, disponibilizamos igualmente tanto a redación da acta que fixo a AEAT, como as nosas alegacións, feitas coa intención de que a reclasificación fose extensiva tamén aos funcionarios que xa levan un ano na AEAT e aos que lles correspondería tamén a reclasificación pertinente.

• Nota informativa CIG AEAT [PDF | 55 KB]
• Acta Reunión 12/03/2009 [PDF | 386 KB]
• Alegacións Acta 12/03/2009 [PDF | 254 KB]

«O narcotráfico cresce na Galiza chegando aos níveis da década de 80», eis a manchete con que o xornal Faro de Vigo noticia na sua edición de onte, 17 de abril, as denuncias realizadas por Antón Lestón e Henrique Outeiral, traballadores do SVA e representantes da CIG.

Podeis ler o artigo, asinado por M. Méndez, diretamente no web do xornal vigués ou entón descarregar en formato PDF aqui.

Como xa adiantábamos na nota informativa de onte, a CIG non asinou o Acordo de Renda. Á suba raquítica que ofrece a administración unimos tamén a total indefinición cuanto a xornadas e horarios ás que nos ten costumados a AEAT: non hai proposta concreta de xornadas e horarios, non sabe/non responde a respeito dos sábados... pretenden carregar en exceso o traballo de mañás, para non pagaren as horas de tarde, non hai intención de pagar os excesos horarios debido á gran concentración de encontros (citas) etc.

Full story »

Onte á tarde tivemos a reunión para tratar as condicións da Campaña de Renda, que como xa sabedes, comezou en 1 de abril co borrador. A Admón entregounos unha primeira proposta de Acordo que, poderíamos dicer, é un calco do do ano pasado. Como este ano xa teñen escusa coa crise, nun primeiro momento aproveitaron para meter unha suba raquítica de 2% e, ainda por cima, só para as horas de mañá.

Ante tal despropósito, toda a parte social manifestamos a nosa máis absoluta indignación e, depois das consultas pertinentes ás "altas esferas", da AEAT ofrecen tamén unha suba de 2% para a tarde.

Full story »

Informamos que hoxe a AEAT colocou na Intranet o Plan de Acción Social para o 2009, co cal xa están abertos os prazos para seren apresentadas as distintas axudas.

Disponibilizamos a seguir as Bases Xerais, se precisardes información dalgunha axuda en concreto podedes contactar com a CIG AEAT ligando para o 981 616 889.

• Bases Xerais Acción Social 2009 [PDF | 32 KB]

A seguir disponibilizamos información sobre os cursos de apoio á promoción interna da AEAT. O prazo para presentar as peticións acaba em 30 de abril.

• Apoio Promoción Interna AEAT [DOC | 44 KB]

A seguir disponibilizamos información sobre as axudas de MUFACE que sairon no BOE deste pasado sábado (axuda para adquisición de vivenda).

Igualmente, aproveitamos para informar que no tocante ás de ACCIÓN SOCIAL 2009 estas serán publicadas na Intranet na segunda quincena de abril. O adiamento vén motivado porque aínda están a resolver axudas da convocatoria de 2008.

• Axudas vivenda BOE 04-04-2009 [PDF | 278 KB]