Comisión de Acción Social: Planos 2008 e 2009

04 Fev 2009

Mais información na CIG-AEAT chamando para o 981 61 68 89

No día de onte reuniuse a Comisión de Acción Social en que tratamos diversos aspectos relativos ao seguimento do Plano de Acción Social de 2008 así como a dotación económica para o Plano de 2009.

Acción Social 2008:

A Administración apresentou relatorios acerca do orzamento de 2008, en que existe un excedente duns 9.000 € e do número de peticións apresentadas (por volta de 24.000). Tamén nos informaron que existen por volta de 350 peticións que, a día de hoxe, están sen resolver.

Acción Social 2009:

A AEAT informa da partida económica que haberá para este ano (10.190.910 €), que implica unha suba de 1,18% a respeito ao ano pasado. A CIG expón a súa disconformidade, pois na documentación que temos dos «Presupuestos Generales del Estado» para a AEAT, a partida asignada era de 10.272.910 € (¿para onde van os 82.000 € que faltan?).

...

Por outro lado, os responsables de Formación comentaron que non teñen ningunha proposta nova para o Plano deste ano. A parte social estudará facer unha proposta conxunta para o seu estudo coa Administración a meados do mes de Febreiro.

Nós estamos a elaborar un borrador con propostas para seren incluídas no novo Plano mais precisamos a vosa colaboración e as vosas suxestións. Se tiveres algunha proposta para o Plano de Acción Social podes contactar connosco escrevendo para o correo-e cigaeat[@]gmail.com.