Aos gritos de «Palestina vencerá», «o sionismo é terrorismo», «onde están que non se ven as sanción a Israel», máis de 15.000 persoas percorreron as rúas de Compostela para manifestar o seu rexeitamento ao masacre que o goberno israelita está a levar a cabo contra o pobo palestino. A mobilización, convocada por máis de 80 organizacións e colectivos entre os que se encontra a CIG, recebeu a resposta masiva dos galegos e galegas que, unha vez máis, voltaron a mostrar a súa solidariedade.