Estes días asistimos de novo a diversas reunión da Mesa de Traballo de Carreira Administrativa para estudar as diferentes propostas da AEAT para a promoción interna. No día de onte, en sesións de mañá e tarde, estudamos até tres propostas distintas da Axencia, onde a CIG tratou de que fosen recollidas a totalidade das condicións xa fixadas no Acordo de Carreira Administrativa.

De momento, a AEAT, continua coa pretensión de deixar fóra da negociación os procesos selectivos da promoción interna ao Subgrupo A1, e a respeito da posibilidade de reducir materia segundo a antigüidade, vai propor a viabilidade ao MAP, mais sen marcar datas nin prazo algún.

Full story »

A CIG-Administración acaba de anunciar, en conferencia de imprensa, o lanzamento dunha campaña dirixida a fomentar o uso do galego en todos os ámbitos da administración pública, sob o lema “Polo direito ao uso do nosos idioma nas administracións públicas”. Para iso, alén de sensibilizar os traballadores e traballadoras, será exixido dos responsábeis políticos o cumprimento da legalidade vixente nesta materia.

• Ler noticia no xornal dixital Avantar.
• Díptico 'Sempre en Galiza, Sempre en Galego'. [PDF | 2.1 MB]
• Texto do díptico 'Sempre en Galiza, Sempre en Galego'. [PDF | 15 KB]

Na reunión de hoxe acerca da Acción Social foron tratadas diversas cuestións xerais acerca das axudas para o ano 2008:

- Foinos entregue a resolución para as axudas polos gastos de viaxe para as/os traballadoras/es que se teñen que deslocar para realizar o exame da Especialidade Tributaria, pois o mesmo só se fai en determinadas provincias.

- Comunícannos que no mes de Maio serán pagas as axudas de xubilación, vivenda, falecimento e incapacidade, ben como as de nacimento e primeira infancia (modalidades 2.1 e 2.2)

- Infórmannos da existencia do "Teléfono de Asistencia Familiar", que xa está totalmente operativo e parece ser que con moi bo resultado. Neste telefone poden ser consultadas todo tipo de cuestións (médicos, problemas no traballo, axudas...). Se ainda non coñecerdes, o número é 900 900 066 (cando vos pedir a seña ou palavra-chave, ela é AGT 439 V).

• Descarregar Nota Informativa. [en pdf]

Nestes días temos asistido a diversas reunións para tratar coa AEAT os criterios para a promoción interna, segundo o establecido no Acordo de Carreira Administrativa. As propostas da AEAT pasan por deixar fóra da negociación a pasaxen para o Subgrupo A1 (para que todo continue na mesma) e facer unhas ponderacións distintas da fase de concurso e da de oposición, segundo se trate do acceso ao Subgrupo A2 ou ao Subgrupo A1.

Por outro lado, a Axencia pretente que, para gardar o aprobado dun ano para outro, sexan superados os exames cunha determinada pontuación mínima.

Full story »

Comezada xa a Campaña de Renda deste ano, queremos informar-vos, caso non teñan ainda chegado a vós, das últimas novidades e iniciativas que estamos levando a cabo na mesma. Destarte, nos pasados días tivemos diversas conversas coa Xefatura de Xestión da Galiza para que tratase, na medida do posíbel, de respeitar o horario que fose do agrado da maioría das/os funcionarias/os nas diversas Delegacións e Administracións da AEAT.

Tamén lle fixemos chegar a nosa iniciativa para reclamar as horas efectivamente traballadas na Renda, dado que, como nos demais anos, están a ser feitas horas en exceso a respeito do horario previsto.

Full story »

Da CIG-AEAT estamos a traballar para que a AEAT se sente dunha vez a negociar o regulamento da segunda actividade de Vixilancia Aduaneira. Ante o silencio, cando non a negativa, da AEAT dirixímonos a varias instancias para pedir que convoquen a correspondente Mesa de Negociación.

O ano pasado, no Congreso dos Deputados, por mediación do grupo do BNG levamos a cabo varias iniciativas tendentes a obrigar a Administración a que cumpra a Lei; este ano voltaremos a tentalo, para que se debata antes do verán, a poder ser, e no mínimo conseguirmos que a AEAT teña que dar explicacións dos seus incumprimentos nas Cortes Xerais.

Full story »

A seguir disponibilizamos a proposta da AEAT para a Promoción Interna, que, como sabedes, pasará a ser Concurso-Oposición depois do aprobado no Acordo de Carreira Administrativa.

Isto vaise tratar nun grupo de traballo que se reúne hoxe, as 11h00 en Madrid e do que a CIG fai parte. Facédenos chegar as vosas propostas e suxestións sobre este tema pois queremos contar coa vosa opinión.

• Proposta AEAT Promoción Interna (20-05-2008). [en pdf]

Ante as inúmeras queixas das/os compañeiras/os do SVA relativas á imposibilidade de acederen a Intranet da AEAT, a CIG apresentou na semana pasada un escrito de reclamación diante da Dependencia de Aduanas e Impostos Especiais na Galiza.

A discriminación que sofre este persoal a respeito do resto das/os compañeiras/os da AEAT é grave, pois nem sequer poden ver o seu ordenado ou nómina mensal. A seguir disponibilizamos o escrito apresentado:

• Escrito reclamación Intranet SVA. [en pdf]

A pesar da chuvia, que por momentos fixo acto de presenza, as rúas de Santiago de Compostela enchéronse onte de manifestantes chegadas/os de todos os pontos do País para reivindicar "o direito a vivermos en galego". A manifestación contou co apoio de quiñentos colectivos do máis diverso tipo, entre eles a CIG.

• Ler notícia no xornal dixital Avantar. [inclui reportaxen fotográfica]

Hoxe, dia 14 de Maio, demos entrada no Registro Xeral a un escrito-queixa dirixido ao departamento dos Recursos Humanos acerca da discriminación que as/os compañeiros do SVA están a sofrer na aplicación do Acordo da Carreira Administrativa. A seguir disponibilizamos o mesmo para a súa divulgación:

• Escrito Carreira Administrativa SVA. [en pdf]

Disponibilizamos a seguir a resolución publicada hoxe no BOE do Concurso de Auxiliares (C2, 2007 G 01) cuxa convocatoria tiña sido publicada no dia 29 de Agosto. Parabéns ás/aos afortunadas/os:

• Resolución Concurso Subgrupo C2 (2007 G 01). [en pdf]

Disponibilizamos a relación de cursos que tendes á vosa disposición na Intranet da AEAT; o pedido dos cursos faise de xeito telemático. Para todas aquelas persoas que NON tendes a chave para aceder á Intranet (sinaladamente, persoal do SVA), podedes anotarvos enviando un fax con o pedido.

No ficheiro que colocamos a seguir xa vai un modelo para se apontar e o número de fax de Formación, xa que a grabación do voso pedido xa é feita directamente en Madrid.

• Cursos de Formación 2008. [en pdf]

Promoción Interna interministerial

Na páxina web do MAP e no BOE de hoxe tendes tanto as datas de realización dos exames de promoción interna como os listados de admitidos e excluídos aos diferentes procesos selectivos (Corpo Auxiliar, Administrativo, Xestión...). A seguir disponibilizamos un ficheiro coas datas dos exames, se precisardes máis información podedes consultar a páxina web do MAP (www.map.es).

• Datas Exames Promoción MAP. [en pdf]

Especialidade Tributaria

Como xa sabedes, o día 24 de maio é o exame da Especialidade Tributaria. Nestes días estivemos a receber moitas consultas acerca de se o día anterior do exame vai ser laborábel ou non para as/os funcionarias/os que se apresentaren nesta convocatoria. Depois das consultas pertinentes, parece ser cada Delegación Especial dará as instrucións a respeito. No que compete ao noso ámbito, confirmáronnos que o día anterior ao exame NON concederán nengunha permisión para os que se examinaren...(sen comentarios)

Augusto C. Buonicore (*)

Apesar do caráter utópico do projeto esboçado por parte importante das lideranças estudantis e intelectuais, o Maio de 1968 não foi a realização, ainda que fugaz, da utopia anárquico-comunista. Ele, pelo contrário, foi à expressão de uma luta de classes que atingiu um patamar bastante elevado, pondo em xeque a estabilidade do regime e em polvorosa a burguesia e seus representantes.

"Meu conselho é que esqueçam de maio de 68. Por quê? Porque acabou! Foi extraordinário, formidável, mudou nossas vidas, mudamos a vida. Mas não vamos voltar ao tema eternamente". Daniel Cohn-Bendit, 40 anos depois.

Full story »

A Secretaría da Muller da CIG informa que no DOG de 8 de Maio figura unha subvención pola cal son convocadas estadías de tempo libre para mulleres soas con responsabilidades familiares non compartidas.

• Resolución publicada no DOG. [PDF | 78 KB]